कल्पेश जळगावात आपल्या कुटुंबासह, म्हणजेच आई-वडील, लहान भाऊ आणि बहिणीसोबत राहत होता. आज शुक्रवारी तो नेहमीप्रमाणे सकाळी शाळेत गेला होता. दुपारी तीनच्या सुमारास शाळेतील जेवणाच्या सुट्टीदरम्यान, तो इतर विद्यार्थ्यांसोबत खेळत असताना अचानक बेशुद्ध होऊन जमिनीवर कोसळला, असे शाळेतील शिक्षकांनी सांगितले. शिक्षकांनी तातडीने त्याला जवळच्या खासगी रुग्णालयात नेले. त्याठिकाणी त्याला मृत घोषित करण्यात आले.

दरम्यान, कल्पेशच्या आई-वडिलांनी मुलाच्या मृत्यूमागे शाळेतील काही विद्यार्थ्यांशी झालेला वाद कारणीभूत असू शकतो, असा संशय व्यक्त केला आहे. त्यामुळे शाळेतील सीसीटीव्ही फूटेज तपासून दोषींवर कारवाई करावी, अशी मागणी त्यांनी केली आहे.
Jalgaon News: विठ्ठलाची भेट घडली, आई वारी करुन आनंदाने घरी परतली, दार उघडताच लेक… माऊलीचा टाहो, जळगाव हळहळं
तोपर्यंत मृतदेह ताब्यात घेणार नसल्याचेही कल्पेशच्या नातेवाइकांनी स्पष्ट केले. दरम्यान, शाळा प्रशासन सीसीटीव्ही फूटेज तपासण्याची प्रक्रिया करत आहे. कल्पेशच्या पश्चात त्याची आई शीतल, वडील, भाऊ वेदान्त आणि बहीण प्रगती असा परिवार आहे.

महिला व बालविकास आयुक्तालय संचलित जळगावातील शासकीय आशादीप महिला वसतिगृह एका मतिमंद महिलेस वसतिगृहातील दुसऱ्या महिलांनी मारहाण केल्याची धक्कादायक महिला पोलिस कर्मचाऱ्याच्या दक्षतेने उघड झाली आहे. या प्रकरणी आता चौकशी समिती नेमली गेली आहे.

वसतिगृहातील महिलेस मारहाण

जळगाव शहरातील शासकीय आशादीप महिला वसतिगृह येथे शुक्रवारी (दि. ४ जुलै) सकाळी ७ ते ८ दरम्यान एका ३२ वर्षीय मतिमंद महिलेला याच वसतिगृहातील एक ते दोन मुलींनी मारहाण केल्याची घटना घडली. याबाबत महिला पोलिस कर्मचाऱ्यांनी अधीक्षकांसह जिल्हा महिला बालविकास अधिकारी तडवी यांच्याकडे काल गुरुवारी तक्रार दिल्यानंतर हा प्रकार समोर आला. महिला बालविकास अधिकारी यांनी या प्रकरणी तत्काळ चौकशी समिती नेमली.