आदर्श वाल्मीक मेश्राम असं आरोपी बॉयफ्रेंडचं नाव असल्याची माहिती आहे. आदर्श मेश्रामविरोधात एका 28 वर्षीय पीडितेने हिंजवडी पोलीस ठाण्यात दिलेल्या फिर्यादीवरून गुन्हा दाखल करण्यात आला आहे. याप्रकरणी पोलिसांनी दिलेल्या अधिक माहितीनुसार, आरोपीने तरुणीशी दीर्घ काळ शारीरिक संबंध ठेवले आणि तिच्या विश्वासाचा गैरफायदा घेतला. तसेच, ती गर्भवती राहिल्यानंतर तिला कोणतीही कल्पना न देता, तिची परवानगी न घेता रबडीमध्ये गर्भपाताचं औषधं मिसळून तिला जबरदस्तीने खायला घातलं. यामुळे तिचा गर्भपात झाला, असा आरोप आहे.
Pune Crime: ना डिलिव्हरी बॉय, ना लैंगिक छळ; पुण्यात तसलं काही घडलंच नाही, सेल्फीही संमतीनेच, मोठा खुलासा
आरोपी आदर्श हा एक इंजिनिअर असून हिंजवडीच्या एका कंपनीत कामाला आहे. त्याचे पीडितेसोबत 2018 पासून संबंध आहेत. ते कॉलेजच्या काळापासून एकमेकांना ओखळत असल्याची माहिती आहे. आरोपीने पीडितेला विश्वासात घेऊन तिच्यासोबत शारीरिक संबंध प्रस्थापित केले. जेव्हाही पीडिता त्याच्याकडे लग्नाची विचारणा करायची तेव्हा तो हे टाळायचा.

2024 मध्ये आदर्शने एका हॉटेलमध्ये पीडितेचे लैंगिक शोषण केले आणि तिने विरोध केला तेव्हा तिला मारहाणही केली, असा आरोप आहे. आदर्शचा 23 जून 2025 रोजी वाढदिवस होता, या निमित्ताने पीडिता यवतमाळहून पुण्यात आली होती. त्याच वेळी, आदर्शच्या मोबाईलमध्ये त्याचे इतर मुलींशी असलेल्या संबंधांचे पुरावे सापडले. तेव्हा पीडितेला समजले की तिची फसवणूक झाली आहे. ती गर्भवती राहिली, परंतु आदर्शने तिच्याशी लग्न करण्यास स्पष्ट नकार दिला.

पीडितेने पोलिसांकडे केलेल्या तक्रारीत म्हटले आहे की, आरोपी आदर्श वाल्मिक मेश्रामचे इतर मुलींशीही संबंध होते. आदर्शचा मोबाईल पाहिल्यानंतर पीडितेला कळले की त्याचे इतर मुलींशी संबंध आहेत. आदर्शच्या जुन्या प्रेयसीसोबही ती भेटली जिने आदर्शचे संपूर्ण रहस्य उघड केले. आदर्शने लग्नाचे आमिष दाखवून तिचेही लैंगिक शोषणही केले होते.
Crime Diary: डार्लिंग.. काम झालं; बॉयफ्रेंडचा फोन, पत्नी आणि लेकीचं भयंकर कृत्य, लव्ह, ब्लॅकमेलिंग अन् सुभाषचा बळी
त्यानंतर 3 जुलै रोजी आदर्शने रबरीमध्ये गर्भपाताच्या गोळ्या मिसळून पीडितेला खायला दिल्या, ज्यामुळे तिचा गर्भपात झाला. उपचारानंतर पीडितेने हिंजवडी पोलिस ठाण्यात तक्रार दाखल केली, ज्याच्या आधारे पोलिसांनी एफआयआर नोंदवला आहे.

पोलिसांनी आरोपीविरोधात कलम 376 (लैंगिक अत्याचार), 313 (महिलेच्या संमतीशिवाय गर्भपात) आणि इतर संबंधित कलमांखाली गुन्हा दाखल केला आहे. पुढील तपास सुरू आहे. या घटनेमुळे शहरात पुन्हा एकदा महिलांच्या सुरक्षिततेचा प्रश्न ऐरणीवर आला आहे.