नुकतेच तीन मेन्यू
पिंपळगाव वळण येथे जिल्हा परिषदची पहिली ते आठवीपर्यंत शाळा आहे. येथे १०५ विद्यार्थी शिक्षण घेतात. शासनाच्या शालेय पोषण आहार धोरणानुसार, पहिली ते आठवीपर्यंतच्या विद्यार्थ्यांना शालेय पोषण आहार दिला जातो. हा शालेय पोषण आहार अधिक रुचकर व्हावा म्हणून शालेय शिक्षण विभागाने आठ दिवसांपूर्वीच या पोषण आहारामध्ये तीन नवीन मेन्यू देण्याचा निर्णय घेतला. असे असताना पिंपळगाव वळण शाळेत मात्र विद्यार्थ्यांना सडलेले टमाट्यांपासून बनवलेला आहार दिला जात असल्याचे उघडकीस आले.
पालिका निवडणुका डिसेंबरमध्ये? EVMच्या मर्यादित संख्येमुळे तीन टप्प्यांत होणार निवडणुका
ग्रामस्थांकडून पाहणी
शिक्षण विभागाने ठरवून दिलेल्या नियमानुसार, मंगळवारी मसालेभात देण्याचा नियम आहे. मंगळवारी दुपारी १२च्या दरम्यान काही ग्रामस्थ शाळेत आले. त्यांनी शालेय पोषण आहारात दिल्या जाणाऱ्या साहित्याची पाहणी केली असता, त्यामध्ये सडलेले टमाटे, कीड लागलेली मटकी, वाटाणे; तसेच चवळीमध्ये अळ्या आढळल्या. याबाबत त्यांनी संताप व्यक्त केला. केंद्रप्रमुख साबळे यांना फोनवर माहिती दिली असता त्यांनी शाळेत येऊन पाहणी केली. या प्रसंगी ग्रामस्थ योगेश शिरसाठ, जुबेर इनामदार, जयसिंग वहाटुळे, राहुल वहाटूळे, उत्तम वहाटूळे, अशोक वहाटूळे, राहुल खंडागळे, खयुम इनामदार, संतोष जाधव, रामेश्वर वहाटूळे, अक्षय खंडागळे आदींनी शिक्षण विभागाकडे तक्रार नोंदवली आहे.
लिफ्टचा दरवाजा बंद केल्याचा राग; 12 वर्षीय मुलाला मारहाण, रहिवाशाचा प्रताप CCTVमध्ये कैद
‘सविस्तर खुलासा देणार’
याबाबत बुधवारी शिक्षणाधिकारी क्रांती धसवाडीकर, शिक्षण विस्तार अधिकारी राजेश महाजन यांना पिंपळगाव वळण शाळेला भेट देऊन पाहणी केली. त्यात शाळेला मे महिन्याच्या सुट्ट्या लागण्याअगोदरचे काही धान्य उरलेले होते. त्यास कीड लागलेली होती; परंतु ते धान्य यात वापरले नसल्याचे त्यांना सांगण्यात आले. एक तारखेला नव्याने धान्य, मसाले साहित्य खरेदी केलेलेच साहित्य वापरत होतो, असेही सांगण्यात आले. याचा सविस्तर खुलासा जिल्हा परिषदेकडे देणार असल्याचेही त्यांनी सांगितले.