पैशाचा मोह भल्या भल्यांची मती फिरवतो. लाच घेणे आणि देणे गुन्हा असला तरी एखाद्याच्या अडचणीचा फायदा घेऊन त्याच्याकडून पैसे उकळणं याबद्दल लाचखोर निर्ढावलेले दिसतात. आणि आपलं काम कोणत्याही अडथळ्याविना पार पडावं यासाठी हतबल व्यक्ती लाचखोरांच्या हिमतीला खतपाणी घालतात. कर्मचारी शासकीय असो वा नसो, पगाराव्यतिरिक्त वरची मलई खाण्याचा नाद लागला कि असे लाचखोर सावज हेरतात अन् एखाद्या अडलेल्या व्यक्तीला चांगलाच बळीचा बकरा बनवतात.
MAHA RERA : ‘महारेरा’चा बिल्डरला दणका, फ्लॅटचा ताबा वेळेत नसेल मिळाला तर खरेदीदारांसाठी महत्त्वाची बातमी
पण आपल्या हक्कांची जाणीव असेल तर व्यक्ती अशा लाचखोरांपासून स्वतःला वाचवूही शकते आणि वरची मलई खाणाऱ्याला खडीही चारू शकते. ही घटना आपल्याला हेच दाखवते की फक्त शिक्षित असणे महत्त्वाचं नसतं तर आपल्या अधिकारांची जाण असणं आणि स्वतःसाठी उभं राहणंही महत्त्वाचं असतं
Parbhani News : सहकार विभागाची कडक कारवाई, ४१ कार्यकारी सेवा सहकारी संस्थांची नोंदणी रद्द, कारण काय?
तक्रारदार हे 61 वर्षांचे निवृत्त मुख्याध्यापक आहेत. त्यांची सून याच विद्यालयात शिक्षिका आहे. त्यांनी 2 जून रोजी सुनेच्या प्रसूती रजेसाठी अर्ज केला होता. मुख्याध्यापिका महाजन यांनी रजा मंजूर करण्यासाठी प्रति महिना 5 हजार रुपये प्रमाणे 6 महिन्यांचे 30 हजार रुपये लाच मागितली. नंतर ही रक्कम वाढवून 36 हजार रुपये केली.तक्रारदाराने ACB कडे तक्रार दाखल केली. 7 जुलै रोजी ACB ने सापळा रचला. लिपिक पाटील लाच स्वीकारताना रंगेहात पकडला गेला. त्यानंतर मुख्याध्यापिका महाजन यांनाही अटक करण्यात आली. “प्रसूती रजा मंजुरीसाठी लाच” मागितल्यामुळे शिक्षण क्षेत्रात नाराजी पसरली आहे.

धुळे ACB चे पोलिस उपअधीक्षक सचिन साळुंखे यांच्या नेतृत्वाखाली ही कारवाई पार पडली. या घटनेमुळे खिरोदा गावाला, जी शिक्षणाची पंढरी म्हणून ओळखली जाते, तिला लाचखोरीचा डाग लागला आहे.