सोशल मीडिया इन्फ्लुएन्सर आणि अभिनेत्री राखी सावंतच्या जवळच्या मैत्रिणींपैकी…एक असलेल्या राजश्री मोरे पुन्हा एकदा चर्चेत आली आहे. यावेळी तिचा एक व्हिडिओ सोशल मीडियावर व्हायरल होत आहे. या व्हिडिओमध्ये महाराष्ट्र नवनिर्माण सेनेचे नेते जावेद शेख यांचा मुलगा राहिल शेख…आणि राजश्री यांच्यात वाद होताना दिसत आहे. रविवारी रात्री राजश्रीच्या वाहनाचा अपघात घडला. राहिल शेख दारू पिऊन कार चालवत होता आणि त्यामुळे हा अपघात घडल्याचा आरोप राजश्रीने केला. या घटनेनंतर तिने एक व्हिडिओ सोशल मीडियावर पोस्ट केला. या व्हिडिओमध्ये राहिल राजश्रीला अर्वाच्च भाषेत शिवीगाळ करताना दिसून येत आहे. तसेच धमकी देत आहे. नंतर तो माफीही मागतो. याचा व्हिडिओ आता व्हायरल होत आहे.