आई मिनल ओंकार सपकाळ (वय ३०, रा. बिबवेवाडी), वडील ओंकार औदुंबर सपकाळ (२९, रा. सदर), साहिल अफजल बागवान (२७, रा. सातारा), रेश्मा शंकर पानसरे (३४, रा. येरवडा), सचिन रामा अवताडे (४४, रा. सदर) आणि दीपाली विकास फटांगरे (३२, रा. संगमनेर) यांना अटक केली आहे. भारतीय न्याय संहिता कलम १४३ (२)१४३(३),१४३(४),३(४) सह बाल न्याय (मुलाची काळजी व संरक्षण) प्रमाणे गुन्हा दाखल केला आहे. ही घटना दोन जुलै रोजी सकाळी नऊ ते १२ या वेळेत घडली असून, गुन्हा चार जुलैला नोंदविण्यात आला आहे.
Ashadhi Ekadashi 2025: अवघे गर्जे पंढरपूर…! भूवैकुंठ पंढरीत १५ लाखांहून अधिक वैष्णवांची मांदियाळी
पोलिसांनी दिलेल्या माहितीनुसार, सपकाळ दापत्याला दीड महिन्यापूर्वी मुलगी झाली होती. आर्थिक अडचणीमुळे सपकाळ यांनी बालिकेची विक्री करण्याचा ठरविले होते. यादरम्यान ओळखीतून एजंटने सपकाळ यांना दोन लाख रुपयांत बाळाची विक्री करून, देतो असे सांगितले होते.

आरोपींनी ग्राहक महिला दीपाली फटांगरे यांना कोणतीही कायदेशीर दत्तक विधान प्रक्रिया न पार पाडता सपकाळ दांपत्याची ४० दिवसांची मुलगी (जन्मतारीख २६ मे २०२५) सुमारे साडेतीन लाख रुपयांच्या मोबदल्यात विकली. या प्रकारात सहभागी असलेल्या सर्वांनी मानवी अपव्यापारासारखा गंभीर गुन्हा केल्याचे स्पष्ट झाले आहे.
Sunil Tatkare: घोडा मैदान जवळ, निवडणुकीत ताकद कोणाची ते दिसेलच; सुनील तटकरेंचा ठाकरे बंधूंना टोला
सपकाळ दांपत्याला पैशांची गरज असल्याने त्यांनी पोटच्या मुलीची विक्री करण्याचा निर्णय घेतला होता. एजंटच्या मदतीने ग्राहक महिलेला साडेतीन लाख रुपयांना बालिकेची विक्री केली. एजंटने दीड लाख रुपये कमिशन घेऊन दोन लाख रुपये सपकाळ यांना दिले. मात्र, बाळाची अधिक रकमेला विक्री करून आपल्याला दोनच लाख देऊन फसवणूक केल्याचा संशय आई-वडिलांना आला. त्यामुळे त्यांनी पोलिस ठाणे गाठून तक्रार दाखल केल्यावर गुन्हा उघडकीस आला. पोलिसांनी आई-वडिल, एजंट आणि ग्राहक महिला अशा सहा जणांना अटक केली आहे. -रवींद्र शेळके, वरिष्ठ निरीक्षक, येरवडा पोलिस ठाणे