एकनाथ शिंदे यांच्या शिवसेनेकडून सोशल मीडियावर एक कविता शेअर करण्यात आली. राज ठाकरे हे मराठीप्रेमी असून उद्धव ठाकरे हे खुर्चीप्रेमी असल्याचं या कवितेत म्हटलं आहे. तसंच नाव न घेता इतरही अनेक मुद्द्यांवरून निशाणा साधला आहे.

‘राज-उद्धव एकत्र यावे ही लोकांची इच्छा’, मंत्री छगन भुजबळ ठाकरे बंधूंच्या बाजूने?

शिंदेंच्या शिवसेनेच्या कवितेत काय म्हटलंय?

“एक प्रबोधक, दुसरा प्रक्षोभक
एक उजवा, दुसरा डावा
एक धाकला असून थोरला
दुसरा थोरला असून धाकला
एक मराठी प्रेमी, दुसरा खुर्चीप्रेमी
एकाच्या मुखी आसूड, दुसऱ्याच्या तोंडी सूड!
एक मराठीचा पुरस्कर्ता, दुसरा तिरस्कर्ता
एक प्रगल्भ, दुसरा वेडापिसा
एकाचा मराठीचा वसा
दुसरा भरतोय खिसा
एकाचा स्वतंत्र सवतासुभा
दुसरा नुसताच आयतोबा!”

एक प्रबोधक, दुसरा प्रक्षोभकएक उजवा, दुसरा डावाएक धाकला असून थोरलादुसरा थोरला असून धाकलाएक मराठी प्रेमी, दुसरा खुर्चीप्रेमीएकाच्या मुखी आसूड, दुसऱ्याच्या तोंडी सूड!एक मराठीचा पुरस्कर्ता, दुसरा तिरस्कर्ताएक प्रगल्भ, दुसरा वेडापिसाएकाचा मराठीचा वसादुसऱा भरतोय खिसाएकाचा…

— Shivsena – शिवसेना (@Shivsenaofc) July 5, 2025

दरम्यान, राज ठाकरे हे मराठीच्या मुद्द्यावरून उद्धव ठाकरेंसोबत गेले असले तरी एकनाथ शिंदे यांच्या शिवसेनेनं सध्या त्यांना डिवचणं टाळल्याचं या सोशल मिडिया पोस्टमधून स्पष्ट झालं आहे. महापालिका निवडणुकांना अजून काही महिने बाकी असल्याने तोपर्यंत पुलाखालून बरेच पाणी जायचे बाकी असून तोपर्यंत राज ठाकरेंबाबत वेट आणि वॉचची भूमिका घेण्याचं शिंदेंच्या शिवसेनेनं निश्चित केल्याचं दिसत आहे.