Mumbai News: मुंबई महापालिकेच्या आरोग्य विभागाने दिलेल्या माहितीनुसार, यावर्षी जून महिन्यामध्ये मलेरिया गॅस्ट्रो या रुग्णसंख्येमध्ये वाढ झाल्याचे दिसत आहे.
मुंबईमध्ये जून महिन्यात दररोज ३० ते ३१ जणांना गॅस्ट्रो तर, २८ ते २९ जणांना मलेरियाचा प्रादुर्भाव झाल्याचे दिसून आले आहे. पावसाळ्यामध्ये दूषित तसेच, गढूळ पाण्यातून प्रादुर्भाव होऊन आरोग्यासंदर्भात अनेक तक्रारी उद्भवू शकतात. त्यामुळे पाणी उकळून, गाळून पिण्याचे आवाहन सतत केले जाते. उघड्यावरचे पदार्थ खाणे, पाण्यातून संसर्ग झाल्यामुळे आरोग्याशी संबधित तक्रारी उद्भवू शकतात. त्याकडे दुर्लक्ष केल्यास आजारांचा प्रादुर्भाव वाढू शकतो. त्यामुळे योग्यवेळी काळजी घेणे गरजेचे आहे.
Prithviraj Chavan: ठाकरे बंधु एकत्र आले, तर काँग्रेसची भूमिका काय असेल? पृथ्वीराज चव्हाणांचं मोठं वक्तव्य, म्हणाले…
यावर्षी मुंबईमध्ये जानेवारीपासून जूनपर्यंत २८५७ जणांना मलेरियाचा प्रादुर्भाव झाला असून ४५२ जणांना डेंग्यूची लागण झाली आहे. मागील वर्षात जानेवारी ते जून या महिन्यात मलेरियाच्या रुग्णांची संख्या २०५५ होती. डेंग्यूची लागण ४३१ जणांना तर, चिकनगुनियामुळे २१ जणांना त्रास झाला होता. या वर्षातील पहिल्या सहा महिन्यांमध्ये चिकनगुनियाच्या रुग्णसंख्येमध्ये वाढ होऊन ती १३६ झाल्याचे उपलब्ध माहितीवरून दिसून येते.
दूषित पाणी, तशाच अन्नसेवनामुळे पोटदुखीचा त्रास बळावलेल्या रुग्णांची संख्याही वाढली आहे. यावर्षी पहिल्या सहा महिन्यांत ४५१३ जणांना गॅस्ट्रो तर, ४३७ जणांना काविळीचा त्रास झाल्याचे दिसते. पावसाळा येताच प्रत्येक वर्षी गॅस्ट्रोच्या रुग्णसंख्येमध्ये वाढ होते. पोटदुखी किंवा अतिसार असा त्रास सुरू झाल्यानंतरही काही रुग्ण हा आजार अंगावर काढतात. ‘लक्षणांकडे दुर्लक्ष करू नका, त्यामुळे आजारांतील गुंतागुंत वाढते,’ याकडे फिजिशिअन डॉ. एस. एम. पवार यांनी लक्ष वेधले आहे
राणीच्या बागेत पेंग्विनचा राजेशाही थाट! देखभालीवर 5 वर्षांत तब्बल ‘इतक्या’ कोटींचा खर्च; माहिती अधिकारातून उघड
करोना रुग्णसंख्येमध्ये घट
करोना रुग्णांचा प्रादुर्भाव मागील दोन वर्षांत कमी झाला आहे. साथ पूर्णपणे ओसरली असली तरीही करोना रुग्णांची नोंद होत राहणार आहे. मागील वर्षी पहिल्या सहा महिन्यांत १३९२ तर, या वर्षी ९९२ करोना रुग्णांची नोंद करण्यात आली आहे.
GMLR Tunnel: गोरेगाव ते मुलुंड प्रवास फक्त २५ मिनिटांत; जुळ्या बोगद्यांसाठी राष्ट्रीय उद्यानातील १९ हेक्टर जागेला मान्यता
आजार —जाने ते जून २०२४ —जाने ते जून २०२५
मलेरिया —–२०५५ —२८५७
डेंग्यू —–४३१ —४५२
चिकनगुनिया —–२१ —१३६
लेप्टो —–१४० —१०१
गॅस्ट्रो —–४२०० —४५१३
हेपॅटायटिस —–३४७ —४३७
करोना —–१३९२ —९९२
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा