दोंडाईचा उपजिल्हा रुग्णालयात गेल्या शनिवारी (28 जून) नेहमीप्रमाणे कामे सुरू होती. सायंकाळी साडे सहा वाजेच्या सुमारास एक 40 वर्षीय व्यक्ती उपचारासाठी आली. पण, त्या व्यक्तीला सुरक्षारक्षकाने रुग्णालयातून बाहेर काढलं.

गेटजवळच्या खुर्चीत बसला आणि तिथेच मृत्यू

यानंतर हा रुग्णा काही वेळाने नजर चुकवून पुन्हा रुग्णालयाच्या आवारात आला. गेटजवळ असलेल्या खूर्चीवर तो बसलेल्या स्थितीत दिसला. यावेळी आवाज देऊन सुद्धा त्याने काहीही प्रतिसाद दिला नाही. तपासणी केल्यावर त्याचा मृत्यू झाल्याचे रात्री साडे आठ वाजता स्पष्ट झाले. यानंतर रुग्णालयातून दोंडाईचा पोलीस ठाण्यात संपर्क साधून घडलेल्या प्रकाराची माहिती देण्यात आली.
Pune News: महाविद्यालयीन विद्यार्थ्यांमध्ये तुफान हाणामारी; डोक्यात वासा घातला अन्… पुणे हादरलं
पोलिस कर्मचारी रुग्णालयात दाखल झाले. चौकशीअंती हा मृतदेह दोंडाईचा येथील भोईवाडा भागातील रवींद्र बारकू भोई (वय 40) यांचा असल्याचे समोर आले. याप्रकरणी दुसऱ्या दिवशी 29 जूनला सकाळी अकस्मात मृत्यूची नोंद (क्र. 47) करण्यात आली.

15 तासांनी नोंद; वर्ष 2025, लिहिले 2024

या घटनेत रुग्णालयाप्रमाणेच पोलिसांचा निष्काळजीपणा समोर आला. रवींद्र भोई यांच्या मृत्यूनंतर 15 तासांनी म्हणजे दुसऱ्या दिवशी सकाळी 11.29 वाजता पोलिसांनी दप्तरी नोंद घेतली. पण, नोंद करताना मृत्यूचे वर्ष 2025 ऐवजी 2024 असे दर्शवले. त्यातून अनागोंदी समोर आली.

दोंडाईचा उपजिल्हा रुग्णालयातील प्रकाराबाबत अद्याप माझ्याकडे माहिती नाही. मात्र, असा प्रकार घडला असेल तर चौकशी करू, अशी माहिती डॉ. दत्ता देगावकर, जिल्हा शल्य चिकित्सक, धुळे यांनी दिली.