प्रविण माने हे पुणे जिल्हा परिषदेचे बांधकाम व आरोग्य विभागाचे माजी सभापती व सोनाई उद्योग समूहाचे संचालक आहेत. प्रविण माने यांच्या प्रवेशाने भाजप ला इंदापूर तालुक्यात आणि पर्यायाने बारामती लोकसभा मतदारसंघात मोठी ताकद मिळणार आहे. हर्षवर्धन पाटील यांनी भाजप सोडल्यानंतर इंदापूर मध्ये भाजपची ताकद सीमित झाली होती आता प्रविण माने यांच्या येण्याने भाजपला इंदापूरत बळ मिळणार आहे.प्रविण माने हे 2024 ची विधानसभा निवडणूक भाजपकडून लढण्यासाठी प्रवीण माने इच्छुक होते मात्र महायुतीमध्ये ही जागा राष्ट्रवादी काँग्रेसला गेली. प्रवीण माने यांनी इंदापूर विधानसभा मतदारसंघातून अपक्ष निवडणूक लढवली होती या निवडणुकीत त्यांना 38 हजार मत मिळाली होती.

फडणवीसांनी दिला सल्ला अन् घेतला पक्षप्रवेशाचा निर्णय
मुख्यमंत्री देवेंद्र फडणवीस यांच्या ही अनेक भेटी झाल्या. त्यांनी मुख्य प्रवाहात यावे असे सांगितले. त्यामुळे सारासार विचार करुन आपण भाजपमध्ये प्रवेश करण्याचा निर्णय घेतला आहे. भाजपचा एक सामान्य कार्यकर्ता म्हणून काम करताना भाजपच्या मूळ कार्यकर्त्यांबरोबर संवाद साधला जाईल. पक्ष देईल ती जबाबदार पार पाडण्याचा प्रयत्न केला जाईल असं माने यांनी प्रवेशापूर्वी स्पष्ट केलं आहे.

पुणे शहरात भाजपची ताकद आहे मात्र पुण्यातील ग्रामीण भागात अजित पवारांच्या राष्ट्रवादी काँग्रेसचे वर्चस्व पाहायला मिळते. सध्या भाजपने स्थानिक स्वराज्य संस्थेच्या निवडणुकीची तयारी सुरू केली आहे. स्थानिक पातळीवरील नेत्यांना भाजपकडून पक्षात घेतले जात आहे. शिवसेना शिंदे गटाकडूनही ऑपरेशन टायगर राबविले जात असताना अजित पवार यांच्या पक्षातही अनेक नेत प्रवेश करत असल्याने सत्ताधारी पक्ष सध्या विरोधी पक्षांना धक्के देत आहे.