याबाबत अधिक माहिती अशी, आर्वीमध्ये एक धक्कादायक घटना घडली. भानुदास राऊत नावाच्या व्यक्तीने एका कुत्रीवर अत्याचार केला. ही घटना आर्वी शहरातील झूडपी भागात घडली. आरोपीने कुत्रीला पकडले आणि तिच्यावर अत्याचार केला.

‘पीपल्स फॉर अॅनिमल्स’ या संघटनेच्या कार्यकर्त्यांनी हे पाहिले. त्यांनी घटनेचा व्हिडिओ काढला. या व्हिडिओत आरोपी कुत्रीवर अत्याचार करत असल्याचं स्पष्ट झालं. त्यानंतर त्यांनी आरोपीला पकडून पोलिसांच्या हवाली केले. सध्या तो पोलीस कोठडीत आहे.

Himachal Pradesh: हिमाचलमध्ये पावसाचा हाहाकार; मंडी परिसरात ढगफुटी, चौघांचा मृत्यू, 16 जण बेपत्ता

आपल्या संस्कृतीत मुक्या प्राण्यांवर प्रेम करण्याची शिकवण आहे. त्यांची काळजी घेण्यास सांगितले जाते. पण ही घटना आपल्या संस्कृतीला काळिमा फासणारी आहे. अशा विकृत माणसाला काय म्हणावे, असा प्रश्न उपस्थित केला जात आहे.

दरम्यान, मागील काही वर्षांपासून महाराष्ट्रात अत्याचाराच्या घटना वाढीस लागल्या आहेत. महिलांवरील अत्याचाराच्या घटनांनी समाजमन सुन्न होत आहे. अशातच आता वर्ध्यातील ही संतापजनक घटना समोर आली आहे. आरोपीने विकृतीची परिसीमा गाठत मुक्या जीवावर अत्याचार केल्याने संताप व्यक्त केला जात आहे. समाजात पुन्हा अशा घटनेची पुनरावृत्ती होऊ नये, यासाठी आरोपीवर कठोर कारवाई करण्याची मागणी केली जात आहे. याप्रकरणी आगामी काळात काय कारवाई केली जाते, हे पाहणं महत्त्वाचं ठरणार आहे.