सविस्तर माहिती अशी की, किनवट आगाराची बस क्रमांक एमएच 14 बीटी 2105 आज सकाळी उनकेश्वर येथून मांडवीकडे जात होती. अंबाडी घाटात येताच बस आणि बोलेरो जीपची समोरासमोर धडक झाली. अपघातानंतर बोलेरो जीपला एसटी बसने रस्त्याखाली फरफटत नेले. एसटी बसच्या समोरील भागात बोलेरो जीपचा चालकाच्या बाजूचा भाग अडकला. त्यामुळे चालक जिपमध्येच अडकून पडला. तीन ते चार तास चालक स्टेरिंमध्ये अडकला होता.
Nanded News : दीड महिन्यांआधी लग्न झालेल्या योगेशचा दुर्देवी मृत्यू, शिवारात शेळीला वाचवायला गेला अन्… काय घडलं?
दरम्यान घटनास्थळी पोहोचलेल्या पोलीस आणि नागरिकांनी चालकाला जीपच्या बाहेर काढण्यासाठी मोठी कसरत करावी लागली. तीन तासानंतर चालकाला बाहेर काढण्यात यश आलं. मात्र, गंभीर दुखापत झाल्याने चालकाचा रुग्णालयात दाखल करण्यापूर्वीच मृत्यू झाला. जिपमध्ये केवळ चालकच होता, तर एसटी बसमध्ये 33 प्रवासी होते.

दरम्यान अपघाताची माहिती मिळताच किनवट आगार प्रमुख यशवंत खिल्लारे, विभागीय वाहतूक अधिकारी शकमलेश भारती आणि विभागीय यंत्र अभियंता कोरटकर यांनी घटनास्थळी तातडीने भेट दिली. तसेच घटनास्थळाची पाहणी करून परिस्थितीचा आढावा घेतला. आपत्कालीन यंत्रणांनी त्वरित मदतकार्य सुरू केल्याने मोठी जीवितहानी टळल्याचे बोलले जातं आहे.

अंबाडी घाटात यापूर्वीही अनेक अपघात घडले आहे. भरधाव वेगाने वाहने या घाटातून चालवले जातं आहेत. घाटातील तीव्र वळणे आणि रस्त्याची खराब अवस्था यामुळे अपघातांचे प्रमाण वाढत असल्याचे स्थानिकांचे म्हणणे आहे. प्रशासनाने तपास पूर्ण करून यापुढे अशा घटना टाळण्यासाठी ठोस पावले उचलावे अशी मागणी होत आहे. या अपघातानंतर मोठी खळबळ उडालीये.