अकोल्यात फसवणुकीचे प्रकार मोठ्या प्रमाणात समोर येत आहेत. नुकताच एका बँकेच्या अधिकार्‍यास अश्लील व्हिडिओ काढून दोघांनी फसवणूक केल्याची घटना घडली आहे. अकोला शहरातील खदान पोलीस स्टेशन हद्दीत हा प्रकार घडला आहे. पोलिसात फसवणुकीची तक्रार झाल्यानंतर पोलिसांनी या प्रकरणी दोघांना अटक केली आहे. काही दिवसांपूर्वी एका बँकेच्या अधिकाऱ्याने एका ऍपच्या माध्यमातून अकोल्याच्या खदान पोलीस स्टेशन हद्दीत दोघांची ओळख झाली.

या ऍपच्या माध्यमातून त्या दोघांची व्हाट्सऍपवर चॅटिंग ही सुरु झाली. याच दरम्यान एकेदिवशी या दोघांनीही खदान पोलीस स्टेशन हिंगणा रोडवरील अकोला शहरातून वाहणाऱ्या मोर्णा नदीच्या काठावर या अधिकार्‍याला बोलावलेआणि त्या ठिकाणी या बँकेच्या अधिकाऱ्याला समलिंगी संभोगासाठी उत्तेजित करणारे इंजेक्शन दिले. तर काही इंजेक्शन आरोपीने स्वतःला लावून घेतले असल्याची माहिती आहे.
Ratnagiri News: आली, बसली अन् काहीच वेळात तरुणीची भगवती किल्ल्यावरुन उडी, रत्नागिरीच्या समुद्रात बॉडी अन्…
यावेळी या दोन आरोपींनी आणखी काही साथीदाराला त्या ठिकाणी यांनी बोलावून घेतले आणि बँकेच्या त्या अधिकाऱ्यांसोबत या दोघांनी समलिंगी संभोग करतानाचे व्हिडिओ गुपचूप काढून घेतले आणि हाच व्हिडिओ या बँकेच्या अधिकाऱ्याला घातक ठरला.

त्या दोन्ही आरोपींनी व्हिडिओ व्हायरल करण्याच्या धमकीने बँकेच्या अधिकाऱ्याला ब्लॅकमेल करत 80 हजार रुपयाची फसवणूक केली. याबाबत आता बँकेच्या अधिकाऱ्यांनी खदान पोलीस स्टेशनला तक्रार दिली असून खदान पोलिसांनी दोघांना अटक केली आहे. दरम्यान, या ॲपच्या माध्यमातून सोशल मीडियावर गैरवापर करून अनेकांची फसवणूक होत आहे. त्यामुळे नागरिकांनी सावध राहावं, असेही आवाहन खदान पोलिस स्टेशनचे ठाणेदार मनोज केदारे यांनी नागरिकांना केले आहे.