शनिवारी सकाळी तक्का परिसरातील नागरिकांना बाळाच्या रडण्याचा आवाज आला. त्यांनी आवाजाच्या दिशेने जाऊन पाहिलं असता, त्यांना बास्केटमध्ये एक नवजात बाळ दिसलं. त्या बास्केटमध्ये इंग्रजीत लिहिलेली एक चिठ्ठी आढळून आली आहे. हे अर्भक रात्रीच्या वेळेस कोणीतरी सोडून गेलं असावं. बास्केटमध्ये अर्भकाबरोबर चिठ्ठीसह सेरेलॅक, कपडे, दुधाच्या बाटली अशा गोष्टी ठेवल्या होत्या.
गॅसचं रेग्युलेटर काढताना भडका, सिलेंडरच्या स्फोटात दोन चिमुकल्यांचा हृदयद्रावक अंत, चौघे जखमी, मंगळवेढा हादरलं
बास्केटमध्ये नवजात अर्भक असल्याची माहिती सुजान नागरिकांनी पनवेल शहर पोलिसांना दिली. पनवेल शहर पोलीस ठाण्याचे पथक यांनी घटनास्थळी येऊन बास्केटमध्ये असलेल्या नवजात अर्भकला सुरक्षितपणे घेतलं. त्यांना मिळालेली चिठ्ठीही ताब्यात घेण्यात आली.
नियम फक्त सर्वसामान्यांसाठीच? पंढरपूरमध्ये VIP दर्शनावर बंदी असताना शिंदेंच्या आमदाराकडून सोय करण्याची मागणी

नवजात बाळासोबत आढळलेल्या चिठ्ठीत काय लिहिलेलं?

सदर चिठ्ठीमध्ये लिहिलेलं, ‘प्रिय सर/मॅडम, आम्हाला हे करावे लागले यासाठी आम्ही मनापासून माफी मागतो. आमच्याकडे दुसरा कोणताही पर्याय नव्हता. आम्ही या बाळासाठी मानसिक आणि आर्थिकदृष्ट्या काहीही करू शकत नाही. कृपया या प्रकरणात कोणालाही गुंतवू नका किंवा प्रकरण वाढवू नका. आम्हाला जे काही सहन करावे लागत आहे, ते या बाळाच्या नशिबी येऊ नये अशी आमची इच्छा आहे. आम्ही तुम्हाला विनंती करतो बाळाची काळजी घ्या. आशा आहे की एक दिवस आम्ही तिला परत घेऊ’, असा मजकूर चिठ्ठीत आढळून आला असल्याचं पनवेल शहर पोलिसांनी सांगितलं आहे.

पनवेल पोलिसांनी नवजात अर्भकाला ताब्यात घेत अधिक उपचारासाठी पनवेलच्या उपजिल्हा रुग्णालयात दाखल केलं. नवजात बाळाची प्रकृती स्थिर असल्याची माहिती रुग्णालय प्रशासनाने दिली आहे.नवजात बाळ पनवेल शहर पोलीस ठाण्यात सोपवण्यात आलं असून, पोलीस त्याची काळजी घेत आहेत. तसंच, नवजात बाळाता अशाप्रकारे रस्त्यात कुणी ठेवलं याचा शोध घेण्यासाठी त्या परिसरातील सीसीटीव्ही फुटेज पोलीस तपासत आहेत. या घटनेने स्थानिकांमध्ये हळहळ व्यक्त होत असून, संबंधित आई-वडिलांची ओळख पटवण्यासाठी पोलीस अधिक तपास करत आहेत.