लिमगाव पाटीजवळ शनिवारी रात्री साडेसातच्या सुमारास ही घटना घडली. अपघात इतका भीषण होता की यात एक जण जागीच ठार झाला, तर दोघांचा उपचारासाठी दवाखान्यात नेत असताना मृत्यू झाला. या अपघातात अभय सतीश चव्हाण (रा. बर्दापूर) यांचा घटनास्थळीच मृत्यू झाला. समोरून येणाऱ्या दुचाकीवरील फारूख रहिमखाँ पठाण आणि नासीर खाजामियाँ शेख (दोघेही रा. पानगाव) हे गंभीर जखमी झाले. त्यांना उपचारासाठी लातूरकडे नेत असताना वाटेतच त्यांचा मृत्यू झाला.
Beed Crime : ‘सगळे गेले की सर मला कॅबिनमध्ये थांबवून कपडे काढायला लावायचे, अन्…’; अल्पवयीन विद्यार्थिनीच्या तक्रारीने बीड हादरलंया अपघातात ऋषिकेश अशोक चव्हाण हा तरुण गंभीर जखमी असून त्याच्यावर अंबाजोगाईच्या स्वामी रामानंद तीर्थ शासकीय रुग्णालयात उपचार सुरू आहेत. बीड जिल्ह्यातील अंबाजोगाई तालुक्यातील बर्दापूर हातोला रस्त्यावर दोन दुचाकींची समोरासमोर भीषण धडक झाली. अपघातामध्ये तीन जणांचा मृत्यू झाला असून एक जण गंभीर जखमी आहे. अपघात इतका भीषण होता की दोन्ही दुचाकींचा चक्काचुर झाला.

अपघाताची माहिती मिळताच स्थानिकांनी घटनास्थळी धाव घेत तातडीने मदतकार्य सुरू केले. अपघाताची माहिती पोलिसांनाही देण्यात आली. त्यानंतर पोलीस हे घटनास्थळी दाखल झाले आणि त्यांनी पंचनामा केला असून पुढील तपास करत आहेत. या अपघातात अभय सतीश चव्हाण (रा. बर्दापूर) यांचा जागीच मृत्यू झाला. फारूख रहिमखाँ पठाण आणि नासीर खाजामियाँ शेख (दोघेही रा. पानगाव) या दोघांना उपचारासाठी लातूरकडे घेऊन जात असताना त्यांचा मृत्यू झाला. बीड जिल्हात मागील काही दिवसांपासून अपघाताच्या प्रमाणाच मोठी वाढ झाल्याचे बघायला मिळत आहे.