या घटनेची माहिती मिळताच पोलिसांनी घटनास्थळी धाव घेतली. ही घटना वर्ध्याच्या निमसडा गावात घडलीये. वर्धा जिल्ह्यातील सेलू तालुक्यातील निमसडा गावात आज सकाळी शेतीच्या वादातून दुहेरी हत्येचा धक्कादायक प्रकार समोर आला आहे. महेंद्र मोहिजे या तरुणाने आपली काकू साधना मोहिजे आणि चुलत भाऊ नितीन मोहिजे यांची कुऱ्हाडीने निर्घृण हत्या केली. हत्या केल्यानंतर महेंद्रने स्वतः विष प्राशन केले. त्याला रुग्णालयात नेण्यात आले. पण डॉक्टरांनी त्याला मृत घोषित केले.
SSC Result 2025 : आज्जीच्या जिद्दीला काय म्हणावं! वयाला न जुमानता नातवासोबत दहावीची परिक्षा दिली अन् पास होऊनच दाखवलंया प्रकरणाने संपूर्ण परिसरात खळबळ उडाली असून पोलीस अधीक्षक अनुराग जैन, उपविभागीय पोलीस अधिकारी राहुल चव्हाण आणि पोलीस कर्मचाऱ्यांनी घटनास्थळी भेट देऊन तपास सुरू केला आहे. मागील काही दिवसांपासून धुऱ्यावरून यांच्यामध्ये वाद सुरू असल्याचीही माहिती मिळतंय. परत आज वाद सुरू झाला आणि टोकाला पोहोचला. यावेळी आरोपी पुतण्याने आपल्या काकूचा आणि चुलत भावाचा जीव घेतला.

आरोपीने रागाच्या भरात काकू आणि चुलता भावाची हत्या केली. मात्र, त्यानंतर त्याने स्वत: ला देखील संपवले. आरोपी महेंद्र भाऊराव मोहिजे याने आत्महत्या केल्यानंतर त्याला लगेचच सरकारी दवाखान्यात दाखल करण्यात आले. मात्र, तोपर्यंत त्याचा मृत्यू झाला होता. या घटनेने सर्वांनाच मोठा धक्का बसला आहे. एकाच कुटुंबातील तिघेही गेली आहेत. पोलिस या प्रकरणात तपास करत आहेत.