Kolhapur Wedding Procession News- कोल्हापुरातील खराब रस्त्यांकडे लक्ष वेधण्यासाठी रोड रोलवरवरुन लग्नाची वरात काढण्यात आली आहे. शहरात ही वरात चर्चेचा विषय ठरला आहे.
हटके वरात काढण्याचा निर्णय
कोल्हापुरातील मंगळवार पेठ खासबाग परिसरात राहणारे चि .संकेत जोशी व चि सौ कां .सोनाली नायक यांचा काल विवाह सोहळा पार पडला. संकेत जोशी सध्या पुण्यातील नामवंत आय टी कंपनीत काम करतो. मात्र तो कोल्हापुरात राहत असलेल्या भागातील प्रिन्स क्लब हा नेहमीच कोल्हापुरातील समस्या बाबत वेगवेगळी आंदोलन करतात. काल देखील विवाह संपन्न झाल्यानंतर दोघांची वरात काढायची ठरली. मात्र ही वरात साधी नव्हती… कोल्हापूर शहरात रस्त्यांची झालेली दुर्दशा आणि त्याकडे महानगरपालिकेच लक्ष वेधून घेण्यासाठी प्रिन्स क्लब ने हटके वरात काढण्याचा ठरवलं… जोशी कुटुंबियांशी या संदर्भात चर्चा केली आणि जोशी कुटुंबियांनी देखील सकारात्मकता दर्शवली.
वरात ठरली चर्चेचा विषय
मग काय महानगर पालिकेच लक्ष वेधण्यासाठी प्रिन्स क्लबने नियोजन सुरू केलं.संध्याकाळी साडेसहा वाजता वऱ्हाडी पापाची तिकटी येथे जमली. नवरा नवरी साठी कोणताही रथ किंवा चारचाकी ऐवजी चक्क रोड रोलर आणि बॉयलर आणण्यात आल. रोड रोलर आणि बॉयलर ला लक्षवेधी फलक लावण्यात आले आणि प्रमुख बाजारपेठ असलेल्या महाद्वार रोडवरून पारंपारिक लेझीम हलगी घुमके आणि सनईच्या तालावर अनोखी वरात सुरू झाली. आणि बाजारपेठेत आलेल्या नागरिक आपल्या मोबाईल मध्ये व्हिडिओ चित्रित करू लागले. महाव्दार रोड , बिनखांबीगणेश मंदिर, मिरजकर तिकटीमार्गे खासबागेपर्यंत निघालेली ही अनोखी वरात नागरिकांच लक्ष वेधून घेत चर्चेचा विषय ठरली आहे.
कार्यकर्त्यांची प्रतिक्रिया
कोल्हापूर शहरामध्ये एकही रस्ता धड नाही विकासाचे व्हिजन नाही , शासनाकडून अतिशय तोकडा निधी येतो त्यातही टक्केवारीचा ढपला यामुळे सुमार दर्जाची विकास कामे शहराच्या माथी पडत आहेत. कोल्हापूरच्या रस्त्यांची ही र्दुदर्शा पाहून लग्नाच्या वरातीसाठी सासुरवाडी कडून डांबरीकरणाचा रोलर व बॉयलरही स्पेशल भेट मिळाली म्हणून त्यावरून मंडळाच्या वतीने लग्नाची अनोखी वरात काढण्यात आल्याचे कार्यकर्त्यांनी सांगितले. या वरातीचे संयोजन सचिन साबळे ,अभिजीत पोवार , नामदेव माळी , संदीप पोवार , विशाल कोळेकर , विराज जगताप ,बंडू हावळ , रमेश मोरे , अशोक पोवार , आदीकार्यकर्त्यांनी केले .