नारायणा ई-टेक्नो स्कूलला कोणतीही शासन मान्यता नाही. या शाळेकडून लातूर जिल्ह्यातील पालक व विद्यार्थ्यांची दिशाभूल करून प्रत्येक विद्यार्थ्यांकडून 75 हजार ते एक लाख रुपये फी आकारून ऍडमिशन घेणे सध्या जोरात सुरू आहे. मनसेच्या निवेदनावरून शिक्षण विभागाने या शाळेला भेट देऊन चौकशी केली असता ही शाळा शासन मान्यतेशिवाय सुरू असल्याचे शिक्षण विभागाच्याही निदर्शनास आले आहे.

ही सर्व स्थिती पाहता शिक्षण विभागाने दिनांक १० जानेवारीला या शाळेला अनधिकृत म्हणून घोषित केले होते. तर ही शाळा तात्काळ बंद करावी, तसेच शाळेत नवीन प्रवेश घेऊ नयेत व ज्या विद्यार्थ्यांचे या शाळेत प्रवेश घेतले गेले आहेत, त्यांना जवळच्या शाळेत स्थलांतरित करावे, असे सक्त आदेश देऊन शाळेत दंड ठोठावला होता. तरीही या शाळेच्या शाळा व्यवस्थापनाने ही शाळा सुरूच ठेवली व नवीन प्रवेश प्रक्रियाही सुरू ठेवली. यामुळे संतप्त मनसैनिकांनी शाळेवर हातोडा चालवला आहे.