भाजपचे पुस्तक
भाजपचे प्रवक्ते विनायक आंबेकर हे किंगमेकर क्रॉनिकल-वसुली व घोटाळ्यांचे पर्व या पुस्तकाचे लेखक आहेत. स्वतःच्या असुरी राजकीय महत्वाकांक्षेपोटी असंख्य निष्पाप नागरिकांना जिवंतपणी नरकयातना देणा-या संपादकाच्या कृष्णकृत्यांचा परदाफाश करणार असल्याचं भाजपचे प्रवक्ते आणि पुस्तकाचे लेखक विनायक आंबेकर यांनी म्हटले आहे. या पुस्तकाचा प्रकाशन सोहळा आज पुण्यात संपन्न होणार आहे.

नरकातला स्वर्ग
नरकातला स्वर्ग हे पुस्तक संजय राऊत यांनी भोगलेल्या तुरुंगवासावर आधारित पुस्तक आहे. यामध्ये त्यांनी तेथील अनुभव आणि त्यासोबतच राजकीय इतिहासातील घडामोडीचा संदर्भही दिले आहेत. तसेच कुटुंबियांशी भेट, उद्धव ठाकरेंना लिहिलेली पत्रेही यावरही भाष्य केले आहे. पत्राचाळ प्रकरणात त्यांना ईडीने 2022 ला त्यांना अटक केली होती . काही महिने त्यानी तुरुंगवास भोगला होता. नरकातला स्वर्ग हे पुस्तकाचे नाव उद्योजक अविनाश भोसले यांनी दिले असल्याचे संजय राऊत यांनी सांगितले आहे.

पुस्तकावर भाजपच्या नेत्यांची टीका
नरकातला स्वर्ग पुस्तकावर भाजपच्या नेत्यांनी टीका केली आहे. महसुल मंत्री चंद्रशेखर बावनकुळे यांनी नरकातला राऊत असे नाव योग्य राहील अशी टीका केली होती. तर भाजप नेत्या चित्रा वाघ यांनी “छत्रपती शिवाजी महाराज यांच्या स्वर्गासारख्या महाराष्ट्राला अशा ‘मनोहर कहानियां’ लिहून नासवण्याचा कुणी कितीही प्रयत्न केला तरी ते यशस्वी होणार नाहीत. खरेतर ‘गटारातील अर्क’ असे नाव संबंधित लेखकाला अधिक शोभून दिसले असते,” अशी टीका संजय राऊतांचे नाव न घेता केली.

नरकातला स्वर्गाचा प्रकाशन सोहळा
नरकातला स्वर्ग पुस्तकाच्या प्रकाशन सोहळ्याला शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे, राष्ट्रवादी शरदचंद्र पवार पक्षाचे अध्यक्ष शरद पवार, लेखक जावेद अख्तर, तृणमुल काँग्रेसचे नेते, खासदार साकेत गोखले उपस्थित राहणार आहेत.