अरुण डोंगळे यांना सत्तेची हाव सुटत नाहीय
यावरून आता मंत्री हसन मुश्रीफ यांनी देखील अरुण डोंगळे यांच्यावर नाराजी दर्शवत टीका केलीय. अरुण डोंगळे यांना सत्तेची हाव सुटत नाहीय. याआधी देखील ते शब्द पाळत नाही हा त्यांचा इतिहास आहे. मात्र माझं आजही त्यांना आवाहन आहे. डोंगळे यांनी ठरल्याप्रमाणे राजीनामा द्यावा अस वैद्यकीय शिक्षण मंत्री हसन मुश्रीफ यांनी म्हटलं आहे. तसेच गोकुळची निवडणूक आम्ही महायुती म्हणून नव्हे तर शाहू आघाडी म्हणून लढलो आहे. महायुतीचा चेअरमन व्हावा अशी मुख्यमंत्री आणि उपमुख्यमंत्र्यांची इच्छा असती तर ते मला बोलले असते.मी सुद्धा महायुतीतला महत्त्वाचा घटक आहे. सध्या तरी अरुण डोंगळे हे राष्ट्रवादी अजित पवार गटात आहेत मग चेअरमन पदाबाबत ते अजित दादांकडे का गेले नाहीत असे हसन मुश्रीफ म्हणाले आहेत.

महायुतीचा झेंडा फडकेल
स्थानिक स्वराज्य संस्थांच्या निवडणुका महायुती एकत्र लढणार आहे मात्र कोल्हापुरात जिथं शक्य असेल तिथे आम्ही एकत्र लढू मात्र जिथे शक्य नसेल तिथे वेगळे लढू मात्र संपूर्ण निवडणुकीत एकमेकांवर टीका करणार नाही. यावेळी महानगरपालिकामध्ये महायुतीचा महापौर होईल तर जिल्हा परिषदेचा अध्यक्ष देखील महायुतीचा होईल आणि नगरपालिकेवर महायुतीचा झेंडा फडकेल असा विश्वास मंत्री मुश्रीफ यांनी वयक्त केला आहे.