Shirdi Sai Baba Temple: साईंबाबांच्या भेटवस्तू देऊन सत्कार, कुटुंबीयांना विविध कालावधीचे मोफत दर्शन पास, पूजेची संधी अशा सुविधा त्यांनी दिलेल्या देणगीच्या मूल्यानुसार देण्यात येणार आहेत.
संस्थानच्या तदर्थ विश्वस्त समितीने या धोरणाला मंजुरी दिल्याची माहिती संस्थानचे मुख्य कार्यकारी अधिकारी गोरक्ष गाडीलकर यांनी दिली. १ एप्रिल २०२५ पासूनच हे धोरण लागू करण्यात आले आहे. गाडीलकर यांनी सांगितले की, देशविदेशातून येणारे साईभक्त मोठ्या श्रद्धेने साईबाबांच्या चरणी विविध प्रकारचे दान अर्पण करत असतात. देणगीदार साईभक्तांच्या सेवा-सुविधांमध्ये वाढ करण्यासाठी सुधारित देणगी धोरण मंजूर करण्यात आले आहे. त्यानुसार संस्थानमार्फत साजरे होणारे प्रमुख चार उत्सव सोडून इतरवेळी देणगीदार साईभक्तांना त्यांच्या देणगीच्या श्रेणीनुसार विविध प्रकारच्या सेवा सविधा देण्यात येणार आहेत.
नागपूर, अमरावतीत डबल धमाका; भाजपने विदर्भात साधला ताळमेळ, चार ठिकाणी अध्यक्षांचा तिढा
एक ते दहा लाखांची देणगी देणाऱ्यांना त्यांनी दान केलेल्या वर्षांमध्ये २ व्हीव्हीआयपी आरती पास, त्यानंतरच्या वर्षांत त्यांनी केलेल्या दानाप्रमाणे प्रतिवर्ष १ व्हीव्हीआयपी आरती पास, गेट नंबर ६ किंवा त्या वेळी कार्यरत असलेल्या सशुल्क दर्शन रांगेतून कुटुंबाच्या ५ सदस्यांसाठी तहहयात वर्षातून एक वेळ मोफत दर्शन, सन्मान शॉल, थ्रीडी डेस्क नोट होल्डर, थ्रीडीशेप फोटो, थ्रीडी पॉकेट फोटो, अभिषेक, सत्यनारायण पूजेचे कूपन, ५ उदी प्रसाद पॅकेट, १ साई सत्वरित्र पुस्तक, ३ लाडू प्रसाद पॅकेट आणि कुटुंबातील ५ सदस्यांसाठी मोफत व्हीआयपी प्रसाद भोजन पास दिले जातील. १० ते ५० लाखांपर्यंत देणगी देणाऱ्यांना प्रत्येक वर्षी २ व्हीव्हीआयपी आरती पास, कुटुंबाला वर्षातून एकदा प्रोटोकॉल दर्शन, साईबाबांना वस्त्र देण्याची संधी दिली जाईल. याशिवाय शॉल, नोट होल्डर, फोटो, अभिषेक, सत्यनारायण पूजेचे कूपन, प्रसाद पॅकेट, पुस्तक आदी वस्तू मिळतील.
Sanjay Raut: गावोगावी ‘डोनाल्ड यात्रा’ काढा; भाजपने अमेरिकेसमोर शरणागती पत्करल्याची राऊतांची टीका
सॉफ्टवेअर विकसित करणार
ही सुविधा देणे, त्यांची नोंद ठेवणे यासाठी संस्थानतर्फे एक सॉफ्टवेअर विकसित केले जाणार आहे. त्याद्वारे ही सुविधा दिली जाणार आहे. प्रत्येक देणगीदारास यासंबंधीचे कार्ड दिले जाईल. यासंबंधीची अधिक माहिती संस्थानच्या संकेतस्थळावर उपलब्ध आहे. 
Monsoon 2025: आनंदाची बातमी! यंदा चारही महिने वरुणराजा प्रसन्न, सरासरीहून अधिक पावसाचा IMDचा अंदाज
…या सुविधा मिळणार
- १० ते २५ हजारांची देणगी देणाऱ्यांना एक वेळ कुटुंबातील ५ सदस्यांसाठी आरती पास, ५ उदी प्रसाद पॅकेट्स, १ लाडू प्रसाद पॅकेट.
- २६ ते ५० हजारांपर्यंत देणगी देणाऱ्यांना दोन वेळा कुटुंबातील ५ सदस्यांसाठी आरतीदर्शन पास, एक थ्रीडी पॉकेट फोटो, ५ उदी प्रसाद पॅकेट, १ साई सतचरित्र पुस्तक, २ लाडू प्रसाद पॅकेट्स
- ५० हजार ते एक लाखांपर्यंत देणगी देणाऱ्यांना दान करतेवेळी कुटुंबातील ५ सदस्यांसाठी दोन व्हीव्हीआयपी आरती पास, एक थ्रीडी पॉकेट फोटो, ५ उदी प्रसाद पॅकेट, १ साई सतचरित्र पुस्तक, २ लाडू प्रसाद पॅकेट.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा