पुण्याच्या भोर तालुक्यात पावसाचा हाहाकार

सार्वजनिक बांधकाम विभागाच्या दुर्लक्षामुळे ही परिस्थिती उद्भवल्याचा आरोप नागरिकांनी केला आहे. रस्त्यावरील पाण्याचा निचरा करण्यासाठी पुरेशी व्यवस्था नसल्याने नागरिकांना प्रचंड मनस्ताप सहन करावा लागला. पहिल्याच पावसात पुलाची अशी दुरवस्था झाल्याने स्थानिकांनी सार्वजनिक बांधकाम विभागाच्या कामकाजावर तीव्र नाराजी व्यक्त केली. काही वेळानंतर विभागाच्या कर्मचाऱ्यांनी पाणी जाण्याचा मार्ग मोकळा केला, आणि पुलावरील पाणी हळूहळू ओसरण्यास सुरुवात झाली.
Pune News : पुणेकरांनो सावधान, कोथरूड, पाषाणमध्ये चोरट्यांचा उच्छाद; सोसायटी घुसून…अवकाळी पावसाने शेतीचेही मोठे नुकसान

मात्र, या घटनेने भोर-पुणे मार्गावरील पायाभूत सुविधांच्या कमतरतेवर प्रकाश टाकला आहे. नागरिकांनी मागणी केली आहे की, पावसाळ्यापूर्वी रस्ते आणि पुलांच्या देखभालीकडे गांभीर्याने लक्ष द्यावे, जेणेकरून अशा घटनांची पुनरावृत्ती होणार नाही. अवकाळी पावसाने शेतीचेही नुकसान केल्याच्या तक्रारी परिसरातून येत आहेत. यामुळे प्रशासनाने तातडीने उपाययोजना कराव्यात, अशी मागणी जोर धरू लागली आहे.

अचानक आलेल्या पावसाने नागरिकांची उडाली तारांबळ

या पावसामुळे शेतीचे मोठे नुकसान झाल्याचेही सांगितले जातंय. पावसामुळे रस्ते आणि पुलांवर मोठ्या प्रमाणात पाणी साचले आहे. अचानक झालेल्या पावसामुळे नागरिकांची काही वेळ चांगलीच तारांबळ उडल्याचे बघायला मिळाले. मागील काही दिवसांपासून राज्यात सतत अवकाळी पाऊस हजेरी लावताना दिसतोय. मराठवाड्यासह विदर्भात देखील पाऊस मोठ्या प्रमाणात होताना दिसतोय. या अवकाळी पावसाचा फटका सर्वत्रच पडताना दिसतोय. होळीनंतर राज्यावर अवकाळीचे ढग कायम आहेत. भर उन्हाळ्यामध्ये पाऊस पडत असल्याचे चित्र राज्यात सर्वत्र आहेत. काही ठिकाणी गारपिट देखील झालीये.