Dhule News : धुळे शहरात शंभर फुटी रोड परिसरात दिवसाढवळ्या गोळीबाराची घटना घडली, ज्यामुळे शहरात भीतीचे वातावरण निर्माण झाले आहे. जुन्या वादातून शाहरुख शहा या तरुणावर गोळीबार करण्यात आला, ज्यात तो गंभीर जखमी झाला. पोलिसांनी घटनास्थळी धाव घेऊन तपास सुरू केला असून, आरोपींचा शोध घेण्यासाठी पथके रवाना केली आहेत.
दिवसाढवळ्या धुळ्यात गोळीबाराची धक्कादायक घटना
प्राथमिक माहितीनुसार, दोन गटांमध्ये पूर्वीपासून सुरू असलेल्या वादातून ही घटना घडल्याचे समोर आले आहे. वाद मिटवण्यासाठी दोन्ही बाजूंची चर्चा सुरू असताना अचानक बाचाबाची झाली. याच क्षणी एकाने गोळीबार केला. या गोळीबारात शाहरुख शहा बाबा शहा या तरुणाच्या पायाला गोळी लागली. गोळीबार होताच परिसरात एकच गोंधळ उडाला. घटनेनंतर शाहरुख शहा याला लगेचच रूग्णालयात दाखल करण्यात आले.
Dhule News: दोन गुण कमी पडले अन् आर्मीत भरती होण्याची संधी हुकली, तरुणाने नको तेच केलं, अख्खं धुळे सुन्नघटनेची माहिती मिळताच पोलिसांनी घेतली धाव
घटनेची माहिती मिळताच पोलीस अधीक्षक श्रीकांत धिवरे, अप्पर पोलीस अधीक्षक किशोर काळे आणि उपविभागीय पोलीस अधिकारी राजकुमार उपासे यांनी तत्काळ घटनास्थळी दाखल झाले. चाळीसगाव रोड पोलीस ठाण्याचे पोलीस निरीक्षक सुरेशकुमार घुसर यांच्या मार्गदर्शनाखाली तपास सुरू करण्यात आला आहे. गोळीबार झाल्याची माहिती संपूर्ण शहरात वाऱ्यासारखी पसरली.
आरोपीचा शोध घेण्याचा प्रयत्न सुरू
फॉरेन्सिक पथकाला देखील घटनास्थळी पाचारण करण्यात आले आणि गोळीबारासाठी वापरलेले शस्त्र आणि आरोपीचा माग काढण्याचा प्रयत्न सध्या सुरू आहे. पोलिसांनी घटनास्थळाचा पंचनामा केला असून परिसरातील नागरिकांकडून माहिती गोळा केली जात आहे. आरोपीचा शोध घेण्यासाठी विशेष पथके रवाना करण्यात आली आहेत. नेमका काय वाद होता, याचा देखील तपास हा पोलिसांकडून केला जात आहे. मागील काही दिवसांपासून गुन्हेगारीच्या घटनांमध्ये मोठी वाढ झाल्याचेही बघायला मिळतंय. त्यामध्येच आता ही गोळीबारीचा घटना घडलीये.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा