SSC Result Solapur Student Scores 35 Percent : महाराष्ट्र राज्य माध्यमिक आणि उच्च माध्यमिक मंडळाने इयत्ता दहावीचा निकाल जाहीर केला आहे. सोलापूर शहरातील दोन विद्यार्थ्यांनी सर्व विषयांत ३५ टक्के गुण मिळवून इतिहास रचला आहे.
सर्वच विषयांत ३५ गुण एकूण टक्केवारीही ३५
इमरान शेख या विद्यार्थ्याने दहावीच्या सर्वच विषयांत ३५ गुण घेत ३५ टक्के मिळवले आहेत. भारताचे राष्ट्रपिता महात्मा गांधी यांनी सर्वच विषयांत ३५ टक्के गुण घेतले होते ,म्हणून मी पण ३५ टक्के घेतले, असे प्रतिक्रिया इमरानने दिली आहे. इमरान शेख याचे वडील अब्दुल्ला शेख हे एका टायर कारखान्यात मजुरीचे काम करतात. भविष्यात इमरान हा विज्ञान शाखेत प्रवेश घेणार असून, त्याला डॉक्टर व्हायचे आहे, असेही त्याने म्हटले. सध्या इमरान हा एका धार्मिक कार्यक्रमाकरिता सोलापूरच्या बाहेर आहे.
इम्रानसोबतच शिवम वाघमारे याने देखील सर्व विषयांत ३५ टक्के मिळवण्याची किमया साधली आहे. शिवम वाघमारे हा सोलापुरातील श्री सिद्धेश्वर बालमंदिरचा विद्यार्थी आहे. शहरातील भवानी पेठ परिसरात शिवम वाघमारे च्या मित्रांनी जल्लोष साजरा केला. शिवम याने माध्यमासमोर बोलताना आई वाडीलांव्ह आशीर्वाद आणि शिक्षकांच मार्गदर्शन मिळाले, म्हणून ३५ टक्के गुणांनी उत्तीर्ण झाल्याची माहिती दिली. पुढे भविष्यात आयटीआयमध्ये करिअर करणार असल्याची माहिती शिवम म्हणाला. ३५ टक्के गुणांनी उत्तीर्ण झाल्याने आम्हाला मोठा अभिमान आहे, असे शिवमचे आई वडील म्हणाले.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा