नेमकं काय घडलं?

वसमत येथील माळीवाडाभागातील उघडी नदीच्या उसाच्या शेताजवळील एका वाळलेल्या झाडाखाली तरुणाचा मृतदेह आढळला. रक्ताच्या थारोळ्यात पडलेल्या तरुणाची माहिती पोलिसांना देण्यात आली. त्यानंतर वसमत शहर पोलीस स्टेशनचे पोलीस निरीक्षक सुधीर वाघ, साहाय्यक पोलीस निरीक्षक बालाजी महाजन, उपनिरीक्षक शिवाजी बोंडले यांच्या पथकाने घटनास्थळी धाव घेतली.
मुंबईत मध्यरात्री ड्रोन उडताना दिसला, परिसरात खळबळ, नागरिकांची तात्काळ पोलिसांना माहिती; २३ वर्षीय तरुणावर FIR, काय घडलं?
पोलिसांनी मृत तरुणाचा पंचनामा केला असता तरुणाचा धारदार शस्त्राने खून केला असल्याचा संशय व्यक्त केला आहे. पोलिसांनी तरुण नेमका कुठला आहे, त्याची ओळख पटवण्याची सुरुवात केली. मृतदेह हा शहर पेठ भागातील विश्वनाथ राजेंद्र कदम (२४) याचा असल्याचं पोलीस तपासात स्पष्ट झालं. पोलिसांनी या हत्येप्रकरणी श्वानपथकाला देखील पाचारण केलं होतं, परंतु या भागात पाऊस झाल्याने श्वान पथकाला तपास करता आला नाही. ही हत्या कशामुळे झाली, याचं कारण मात्र अद्याप स्पष्ट झालेलं नाही.
Jalgaon News : शेततळ्यात गेले तर परतलेच नाहीत, तरुणांसोबत दुर्दैवी घटना; शेत मजुरी करुन कुटुंबाला आधार देणाऱ्या लेकांचा करुण अंत

लेकाच्या जाण्याने आईवर दु:खाचा डोंगर

दरम्यान, २४ वर्षीय मृत तरुण विश्वनाथ याच्या पश्चात त्याच्या कुटुंबात केवळ त्याची आई असल्याचं बोललं जातं आहे. एकुलत्या एका तरुणाच्या जाण्याने माऊली एकटी पडली असून तिच्यावर दु:खाचा डोंगर कोसळला आहे.

तरुणाच्या हत्येची बातमी कळतात या परिसरात मोठी गर्दी जमली होती. मृतदेह उत्तरीय तपासणीसाठी वसमतच्या उपजिल्हा रुग्णालयात दाखल करण्यात आला आहे. या प्रकरणात पोलीस संशयितांची चौकशी करत असून एका संशयिताला ताब्यात घेतलं आहे. तरुणाची हत्या नेमकी का झाली, हत्येमागे काय कारण होतं? याचा तपास पोलिसांकडून सुरू आहे.