Operation Sindoor: ऑपरेशन सिंदूरमध्ये नागपूर येथील सोलार समूहाद्वारे उत्पादित नागास्त्र-१ या स्वदेशी आत्मघाती ड्रोनचा वापर झाल्याची माहिती आहे. ‘सायलेंट किलर’ अशीदेखील ओळख असलेल्या या ड्रोनने पाकिस्तानचा गेम केल्याचे सांगितले जात आहे.
बदलत्या काळानुसार युद्धपद्धतींमध्येही बदल झाले आहेत. आधुनिक काळातील युद्धे ही नवतंत्रज्ञानाच्या साहाय्याने लढली जात आहेत. यामध्ये ड्रोन अर्थात अनमॅन्ड एरियल व्हेइकल्सना प्रचंड महत्त्व आले आहे. अशात भारताने नुकत्याच केलेल्या पाकिस्तान हल्ल्यात नागास्त्रचा वापर झाल्याची माहिती आहे. नागास्त्र-१ या स्वदेशी बनावटीच्या आत्मघाती ड्रोनची स्ट्राइक रेंज ३० किलोमीटर आहे आणि ते दोन किलो दारूगोळा वाहून नेण्यास सक्षम आहे. या नव्या अस्त्रामुळे लष्कराची मारक क्षमता वाढली आहे.
वादग्रस्त विधानांचा ‘बेताज बादशहा’; पाकिस्तानच्या संरक्षणमंत्र्यांची जगभरातून खिल्ली
हे ड्रोन सोलार इंडस्ट्रिज नागपूरच्या इकॉनॉमिक्स एक्स्प्लोझिव्ह लिमिटेड युनिटने बनवले आहे. लष्कराने सोलार इंडस्ट्रिजला ४८० आत्मघाती ड्रोनची ऑर्डर दिली होती. यापैकी त्यांनी १२० ड्रोन लष्कराला दिले आहेत. या ड्रोनमुळे शत्रूच्या प्रशिक्षण केंद्राला लक्ष्य करून त्यावर हल्ला चढवणे शक्य झाले आहे. हे ड्रोन हवेत आपल्या टार्गेटच्या आजूबाजूला फिरून आत्मघातकी हल्ला करतात. सेन्सर बसवलेले हे ड्रोन १२०० मीटर उंचीपर्यंत नेले जाऊ शकते. 
Operation Sindoor: पाकिस्तानचा दुटप्पीपणा; २६/११ हल्ल्यातील मास्टरमाइंडचा पुन्हा उल्लेख, कोण आहे साजिद मीर?
नागास्त्रचे वजन १२ किलो असून २ किलो स्फोटके नेण्याची त्याची क्षमता आहे. हे ड्रोन एक तास हवेत राहू शकतात. तसेच टार्गेट न मिळाल्यास हे ड्रोन परत येतात किंवा पॅराशूटच्या साहाय्याने त्यांचे लँडिंग केले जाऊ शकते. जीपीएसने सज्ज असलेले हे ड्रोन दोन मीटरच्या अचूकतेने लक्ष्यावर हल्ला करण्यास सक्षम आहे.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा