महाराष्ट्र बोर्डाच्या बारावी परीक्षेचा निकाल जाहीर झाला असून संतोष देशमुख यांची कन्या वैभवी देशमुख हिने घवघवीत यश मिळवलं आहे. आपल्या वडिलांची हत्या झाल्यावर अत्यंत बिकट काळात अभ्यास करत वैभवी परीक्षेला सामोरी गेली होती. असं असतानाही वैभवी देशमुख 85.33% इतक्या गुणांनी उत्तीर्ण झालीय. बारावीच्या परीक्षेला २ महिने शिल्लक असतानाच संतोष देशमुख यांची हत्या झाली होती. त्यानंतर मस्साजोगमधून उभारलेल्या न्यायाच्या आंदोलनामध्ये वैभवी देखील लढत होती.. राज्यात अनेक ठिकाणी आक्रोश मोर्चे काढण्यात आली. यामध्ये जवळपास सर्वच मोर्चांना वैभवी हजर राहत होती.. या अत्यंत कठोर काळातही वैभवी देखमुख हिने बारावीची परीक्षा दिली आणि घवघवीत यश देखील तिनं मिळवलं. यामुळे सर्वत्र तीचं कौतुक होताना दिसत आहे. अशातच उपमुख्यमंत्री एकनाथ शिंदे यांनीही वैभवीला स्वतः फोन करून तीचं अभिनंदन केलं. शिंदेंनी वैभवी तिच्या भविष्यातील शैक्षणिक वाटचालीबाबत देखील विचारणा केली..यावेळी धनंजय देशमुख देखील वैभवी सोबत उपस्थित होते.