‘पंचवीस ते तीस वर्षांपूर्वी मी एकदा ओमळी ते चिपळूण असा प्रवास करत होतो, त्यावेळी चालक अचानक आजारी पडला, त्याच्या अंगात गाडी चालवण्याचा त्राण राहिला नाही. त्याला उलट्या सुरू झाल्या. तो अत्यवस्थ झाला. एसटी ड्रायव्हर आजारी पडला त्यामुळे मला पॅसेंजरने भरलेली बस ओमळी ते चिपळूण अशी आणावी लागली. आजही मी ही बस डेपोतच का चालवली, बाहेर चालवली तर या गोष्टीचं कुणीतरी राजकारण करेल आणि कारणाशिवाय गुहागरच्या एसटी डेपो मॅनेजरला याचा जाब विचारेल की आमदार एसटीची गाडी बाहेर कशी काय चालू शकतात? म्हणून मी डेपोच्या आवारातच ही ट्रायल घेतली. कारण हल्ली महाराष्ट्रात छोट्या छोट्या गोष्टीचं राजकारण करण्याची अतिशय घाणेरडी प्रथा पडली आहे’, असाही टोला भास्कर जाधव यांनी लगावला आहे.
Ajit Pawar : कोणताही भ्रष्टाचार नको, निधीमध्ये गडबड झाली तर जिल्हाधिकाऱ्यांनाही सोडणार नाही, अजित दादांचा इशारा

‘आपण परिवहन मंत्री प्रताप सदन यांची भेट घेतली होती आणि हा केवळ विरोधी पक्षाच्या गुहागर हा विरोधी पक्षाच्या आमदाराचा मतदारसंघ आहे अशा भावनेतून सरकारने न बघता येथील जनतेला सोयी सुविधा देणं, लाभ देणं ही सरकार म्हणून सरकारची जबाबदारी आहे कर्तव्य आहे. तसेच गुहागरला एसटी शिवाय सामान्य जनतेला दुसरा पर्याय नाही, इकडे रेल्वे नाही, महामार्ग नाही त्यामुळे खाजगी बसेसचा आधार घ्यावा लागतो, त्यामुळे आपण एसटी बसची मागणी केली होती. त्यानुसार आता गुहागर एसटी डेपोला नवीन पाच एसटी बसेस मिळाल्या आहेत आणि त्याचे लोकार्पण आज माझ्या हस्ते झालं’, अशी माहिती या लोकार्पण सोहळ्यानंतर माध्यमांजवळ संवाद साधताना भास्कर जाधव यांनी बोलताना दिली.