धुळे जिल्ह्यातील शिरपूरमध्ये राहणारी तृप्ती मांगले ही वैद्यकीय शिक्षणानिमित्त पुण्यात असताना नातेवाईकांमधील अविनाश वाघ याच्याशी तृप्तीचे प्रेम संबंध जुळले. या प्रेमसंबंधातून तृप्तीने अविनाशशी विवाह करण्याचा निर्णय घेतला. मात्र या निर्णयाला तृप्तीचे वडील किरण मांगले यांचा विरोध होता. मात्र हा विरोध झुगारून तृप्तीने एक वर्षांपूर्वी अविनाशी लग्न केले. पुण्यातील कोथरूड परिसरात राहणारे अविनाश वाघ आणि तृप्ती या दोघांचा संसार हा सुरळीत सुरू होता. अविनाश वाघ याच्या बहिणीचे चोपडा शहरातील आंबेडकर नगरमध्ये विवाह सोहळा होता. या विवाह सोहळ्यासाठी अविनाश आणि तृप्ती हे दोघेही पुण्यावरून चोपडा येथे आली होते.

तृप्ती आणि अविनाश दोघेही चोपडा येथे आल्याची माहिती तृप्तीचे वडील किरण मांगले यांना मिळाली. किरण मांगले याने चोपडा आंबेडकर नगर येथे येऊन आले. या समारंभात अविनाश आणि तृप्ती हे दोघेही जल्लोष साजरा करत असताना किरण मांगले आला. त्याने थेट आपल्या मुलीवर गोळीबार केला. त्यानंतर जावई अविनाश यावर देखील गोळीबार केला. मुलीला अगदी जवळून गोळी लागल्याने तृप्ती वाघ ही जागीच ठार झाली. तर जावई अविनाश वाघ हा गंभीर जखमी झाला. या घटनेनंतर जमावाने सेवानिवृत्त सीआरपीएफ अधिकारी असलेला किरण मांगले यास पकडून चोप देत गंभीर जखमी केले.

तृप्ती आणि अविनाश हे जवळचे नातेवाईक, मात्र दोन्ही कुटुंबात वैर होते. वैद्यकीय शिक्षण घेण्यासाठी तृप्तीने पुण्यातील डी.वाय.पाटील कॉलेजमध्ये प्रवेश घेतला आणि त्यानंतर अविनाश आणि तृप्ती यांच्यात संपर्क वाढला. त्यातूनच दोघे प्रेमाच्या बंधनात अडकले. कुटुंबाचा वाद असला तरी अविनाश हा नात्यातीलच असल्याने आपले वडील आपल्या विवाहाला मान्यता देतील असा तृप्तीचा विश्वास होता. याबाबत तिथे आपल्या वडिलांना सांगितले. मात्र अविनाश याच्या कुटुंबाशी असलेलं वैर तसेच तृप्तीच्या तुलनेत अविनाशच कमी असलेले शिक्षण यामुळे तृप्तीचे वडील किरण मांगले यांनी या विवाहला कडाडून विरोध केला. मात्र वडिलांचा विरोध झुगारून दोन वर्षांपूर्वी तृप्तीने अविनाश सोबत पळून जात पुण्यात विवाह केला. हाच राग गेल्या वर्षभरापासून किरण मांगले याच्या डोक्यात होता. त्यामुळे मुलीला आणि जावयाला संपवण्याचा डाव हा किरण मांगले याने आखला होता. पण मात्र तो वाट पाहत होता ती योग्य संधीची.

गर्भवती लेकीचा घेतला जीव

अविनाशच्या बहिणीचे लग्न चोपडा येथे असल्याची माहिती ही किरण मांगले यास मिळाली आणि ही संधी साधत किरण मांगले हा धुळे जिल्ह्यातील शिरपूर येथून चोपडा येथे आला. शनिवारी हळदीचा कार्यक्रम सुरू असताना त्याच ठिकाणी किरण मांगले याने आपल्या मुलीवर आणि जावयावर बेछूट गोळीबार केला. किरण मांगले हा सीआरपीएफमधील माजी अधिकारी असल्याने त्याच्याकडे सर्व्हिस रिवॉल्वर होती आणि याच रिवाल्वरने आपल्या मुलीचा जीव घेतला. महत्त्वाचे म्हणजे तृप्ती ही चार महिन्यांची गर्भवती असल्याची माहिती तिची सासू प्रियांका वाघ यांनी दिली. एवढेच नव्हे तर, मागे एकदा किरण मांगले याने आपल्या मुलीचा जबरदस्ती गर्भपात केल्याचा आरोप देखील मयत तृप्तीच्या सासूने केला आहे. दरम्यान तृप्ती चार महिन्यांची गर्भवती असल्यामुळे या हल्ल्यात एक नव्हे तर दोन जीव गेले आहेत.