आरबीआयने जोखीम मूल्यांकन केल्यानंतर न्यू इंडिया को-ऑपरेटिव्ह बँकेची १२२ कोटी रुपयांची फसवणूक झाल्याची बाब समोर आली होती. या प्रकरणी मुंबई आर्थिक गुन्हे शाखेत विविध कलमांतर्गत तक्रार दाखल करण्यात आली आहे. बॅंकेच्या ठेवीदारांची फसवणूक करून वळता केलेल्या निधीचा तपास ईडीकडून सुरू आहे.
अंधश्रद्धेचा कळस! पोटच्या गोळ्याला गरम खुरप्याच्या डागण्या; आजार बरा करण्यासाठी मेळघाटात अघोरी प्रकार
या बँकेचे माजी अध्यक्ष हिरेन भानू यांनी विदेशांतील आपल्या संस्थांमध्ये आणि नंतर एनपीएमध्ये बदललेल्या कर्ज खात्यांमधून मोठी रक्कम वळवल्याचे पुरावे आहेत. हिरेन भानूशी संबंधित विदेशी संस्थांमध्ये ४५ कोटी रुपये पाठवले असल्याचे तपासादरम्यान स्पष्ट झाले आहे, असे ईडीने काढलेल्या प्रसिद्धीपत्रकात म्हटले आहे.
मुख्यमंत्रिपदावरुन चिमटे! बावनकुळेंच्या विधानानंतर भाजप-शिवसेनेची परस्परांना उद्देशून टोलेबाजी
ठाण्यात ४८ लाखांचे एमडी जप्त
ठाणे : शहर परिसरात ड्रग्ज तस्करीचा कट उघड़कीस आणत ठाणे अमली पदार्थविरोधी पथकाने राजस्थानच्या एका तरुणाला अटक केली आहे. त्याच्याकडून ४८ लाख ४१ हजारांचे २४२ ग्रॅम एमडी जप्त करण्यात आले आहे. या प्रकरणी कासारवडवली पोलिस ठाण्यात गुन्हा दाखल झाला असून या ड्रग्ज तस्करीमध्ये आंतरराज्यीय टोळी सक्रीय असण्याची शक्यता पोलिसांनी व्यक्त केली आहे.
MNS-BJP: मनसेला भाजपचा नकार; ‘प्रतिसभागृहा’साठी आदित्य ठाकरेंना निमंत्रण दिल्याने नाराजी
ठाणे अमली पदार्थविरोधी पथकाचे वरिष्ठ पोलिस निरीक्षक राहुल म्हस्के यांच्या पथकाने नुकतेच घोडबंदर रस्त्यावरील गायमुख परिसरात सापळा लावून घेवाराम ओखाराम पटेल (२१) याला ताब्यात घेत अटक केली. यावेळी त्याच्याकडून एमडी जप्त करण्यात आले. मूळचा राजस्थानचा असलेला घेवाराम सध्या हैदराबादमध्ये वास्तव्य करत आहे. तो नातेवाइकाच्या मोबाइल दुकानात काम करत असल्याची माहिती पोलिसांनी दिली.