वडोद बाजार येथे मार्केट कमिटी मैदानावर क्रिकेट स्पर्धा आयोजित केलेली आहे. क्रिक्रेट खेळताना माती उडू नये यासाठी सदावर्ते यांनी टँकरने मैदानावर पाणी मारले.पाणी मारून सदावर्ते टँकर घेऊन परत जात असताना महाराष्ट्र बँकेसमोर जागेवर ट्रॅक्टर त्यांनी ढाळी जागेवर उभे केले. अचानक ट्रॅक्टर पुढे सरकले. ते थांबविण्यासाठी त्यांनी हाताने ब्रेक दाबण्याचा प्रयत्न केला. मात्र, ते थांबले नाही. यावेळी त्यांचा ट्रॅक्टरच्या टायरखाली येऊन मृत्यू झाला. या अपघाताच्या घटनेची माहिती मिळताच येथील युवकांनी त्यांना फुलंब्री येथील शासकीय ग्रामीण रुग्णालयात दाखल केले. डॉक्टरांनी त्यांना तपासून मृत घोषित केले.

त्यांच्यावर शुक्रवारी सकाळी ११ वाजता वडोद बाजार येथे अंत्यसंस्कार करण्यात आले. त्यांच्यामागे वडील, दोन भाऊ असा परिवार आहे.श्री सरस्वती भुवन शाळेचे निवृत्त मुख्याध्यापक पांडुरंग सदावर्ते यांचे ते पुत्र होत. ते भारतीय जनता पक्षाचे कार्यकर्ते होते. आमदार अनुराधा अतुल चव्हाण यांनी त्यांच्या अपघाती निधनाबद्दल दुःख व्यक्त करीत कुटुंबीयांची भेट घेतली.
घटनेची वडोद बाजार पोलिस ठाण्यात नोंद करण्यात आली असून सहाय्यक पोलिस निरीक्षक सुनील इंगळे यांच्या मार्गदर्शनाखाली वडोदबाजार पोलिस तपास करीत आहेत.

दुचाकीवरुन पडल्याने महिलेचा मृत्यू
लग्नासाठी अजिंठा गावाकडे जात असताना महिलेने बाळापूर फाट्यावर एका अज्ञात दुचाकीस्वाराला हात दाखवून थांबवले. मात्र बाळापूर गावाजवळ दुचाकीवरुन पडल्याने या महिलेचा मृत्यू झाला. शनिवारी सकाळी 8.30 च्या दरम्यान ही घटना घडली. महिलेच्या मृत्यूनंतर हा दुचाकीस्वार पसार झाला. संगीता सुभाष पांडे (वय 40) असे महिलेचे नाव आहे. घटनास्थळी असलेल्या हॉटेल प्रेम सागर येथील सीसीटीव्ही फुटेजमध्ये ही घटना कैद झाली. मात्र वाहनाचा नंबर आणि चालकाचा चेहरा व्यवस्थित दिसत नसल्याने त्यासंबंधी ओळख पटू शकली नाही. घटनेची माहिती मिळताच पोलिस घटनास्थळी पोहचले. या घटनेचा पोलिस तपास करत आहे.