राज्यात सध्या आधुनिक पद्धतीने शेती करण्यावर शेतकरी भर देत आहे. परिणामी शेतकऱ्याला लाखोचे उत्पन्न देखील मिळत आहे. जम्मू काश्मीर, हिमाचल प्रदेश सारख्या बर्फाळ आणि थंड हवेच्या ठिकाणी पिकणार सफरचंदाच पीक जे उष्ण कटिबद्ध भागांमध्ये घेता येत नाही असं पीक कोल्हापुरात घेऊन दाखवण्याची किमया एका यळगुडच्या अवलियाने केलं आहे. लालबुंद सफरचंद आणि तीच चाखायला मिळत असल्याने सर्वत्र त्याच कौतुक देखील होत आहे. कोल्हापूर जिल्ह्यातील हातकणंगले तालुक्यात यळगूड येथे राहणारे माणगावे यांची वडिलोपार्जित साडेतीन एकर जमीन आहे. ज्यात तीन एकरात उसाची लागवड केली आहे. उर्वरित अर्ध्या एकरात ते विविध आंतरपिक घेतात. शेतात नवनवीन प्रयोग करण्यासाठी ते नेहमी प्रयत्नशील असतात यामुळे त्यांनी नवनवीन प्रयोग करून ते यशस्वी करतात आजवर त्यांनी केशर आंबा, पेरू, चिकूची लागवड यांनी केली आहे. मात्र तीन वर्षांपूर्वी त्यांच्या डोक्यात सफरचंदाची शेती करण्याचा विचार आला आणि सोशल मीडियाच्या माध्यमातून या पिकाचा अभ्यास केला माहिती घेतली आणि अर्ध्या एकरात सफरचंदाची लागवड केली.