‘पोलिसांबद्दल असं बोलणं योग्य नाही. मी स्वतः शिंदे साहेबांना सांगणार आहे की त्यांना कडक समज द्या, हे असं चालणार नाही. वारंवार ते जर असं बोलत असतील तर त्यांच्यावर ॲक्शन घेऊ,’ असं देवेंद्र फडणवीस म्हणाले आहेत. त्यामुळे आता संजय गायकवाड यांच्या विधानानंतर महायुतीमध्ये मोठा वाद उभा राहिल्याचं चित्र आहे.

काय म्हणाले होते संजय गायकवाड?

‘पोलीस खात्यासारखं अकार्यक्षम डिपार्टमेंट भारतात, जगात कुठेही नाही. शासनाने कोणताही कायदा केला, की यांचा एक हप्ता वाढला, गुटखा बंदी केली तर गुटखा द्यायचा पण यांचा हप्ता वाढला. दारू बंद केली की चालू करायची, यांचा एक हप्ता वाढला. या राज्यातील पोलिसांनी, देशातील पोलिसांनी इमानदारीने काम केलं ना, तर या जगातील सगळी गंदगी खतम होईल. यांनी फक्त प्रामाणिकपणे आपलं कर्तव्य ‘सद्रक्षणाय खलनिग्रहणाय’ एवढं चांगलं केलं, तर सगळी गुन्हेगारी खतम होईल,’ असे संजय गायकवाड म्हणाले होते.

दरम्यान, महाराष्ट्रात असणाऱ्या पाकिस्तानी नागरिकांच्या संदर्भात देखील देवेंद्र फडणवीस यांनी प्रतिक्रिया दिली आहे. जे लोक व्हिसा घेऊन आलेले आहेत, त्यांची माहिती राज्य सरकारकडे उपलब्ध आहे. त्यांची ओळख पटवून, नोटीस दिलेली आहे. परत पाठवण्याची व्यवस्था झालेली असून परत पाठवण्यात येत आहे. व्हिसा घेऊन आलेल्यांना 48 तासांत देशातून बाहेर काढायचे आहे. यासाठी पोलीस काम करत आहेत. देशाच्या सुरक्षेतेचा आणि अस्मितेचा येतो, तेव्हा काही कडक निर्णय घ्यावे लागतात. पाकिस्तानची निर्भरता भारतावर आहे, हे येथील सरकारला कळले पाहिजे. पाकिस्तान आतंकवादाला समर्थन देतो, मानवतेचा खून करतो, आज जगातील कुठलाही देश त्यांच्यासोबत उभा राहू शकत नाही, ही त्यांची परिस्थिती आहे. असं फडणवीस म्हणाले आहेत.