२०२७ मध्ये नाशिकमध्ये सिंहस्थ मेळा होत असून, त्याची तयारी सध्या कागदावरच सुरू आहे. महापालिकेकडून १५ हजार कोटींचा, तर अन्य विभागांकडून नऊ हजार कोटी असे २४ हजार कोटींचा आराखडा शासनाला सादर केला आहे. मात्र, त्याला अद्याप मंजुरी दिली नसली तरी सार्वजनिक बांधकाम विभाग आणि महापालिकेला काही कामे सुरू करण्याबाबत दिशानिर्देश देण्यात आले आहेत. सिंहस्थासाठी कनेक्टिव्हिटी वाढविण्यासाठी समृद्धी महामार्ग नाशिकला जोडण्यासह हवाई कनेक्टिव्हिटी वाढविण्याचेही निर्देश मुख्यमंत्री फडणवीस यांनी दिले आहेत. त्यानुसार ओझर विमानतळाचा विकास होईल, अशी अपेक्षा नाशिककरांना होती.
Pahalgam Attack: ‘आप लोग रामजी की भूमी से हैं, हम हैं ना.. डरो मत’! भारतीय लष्कराने नाशिककरांना दिला धीर
हवाई नियोजनात मात्र नाशिकऐवजी शिर्डीला प्राधान्य दिले जात आहे. महाराष्ट्र विमानतळ प्राधिकरणाच्या संचालक मंडळाची ९१ वी बैठक सह्याद्री अतिथीगृहातील सभागृहात फडणवीस यांच्या उपस्थितीत झाली. या वेळी उपमुख्यमंत्री एकनाथ शिंदे उपस्थित होते. नाशिकपासून शिर्डी विमानतळ जवळ असल्याने नाशिक-त्र्यंबकेश्वर सिंहस्थाच्या वेळेस हवाई मार्गाने येणाऱ्या भाविकांना शिर्डी विमानतळ सोयीचे होणार आहे. नाशिक येथील विमानतळाची क्षमता लक्षात घेता शिर्डी विमानतळाच्या विस्तारीकरणाच्या प्रस्तावास मान्यता देण्यात आली. यामध्ये आठ वाहनतळे, दोन हेलिपॅडसह टर्मिनलच्या अद्ययावतीकरणाचा समावेश आहे.
Pahalgam Attack: कल्पनेने काळजाचा ठोका चुकतो…; पहलगाम दहशतवादी हल्ला अनुभवलेल्या नाशिककरांनी व्यक्त केल्या भावना
लोकप्रतिनिधीची तोंडावर पट्टी
राज्य मंत्रिमंडळात दादा भुसे, ॲड. माणिकराव कोकाटे आणि नरहरी झिरवाळ यांच्या रूपाने तीन मंत्री आहेत. सोबतच नाशिककरांनी १५ पैकी १४ आमदार निवडून दिले आहेत. विशेष म्हणजे भाजपचेही पाच आमदार असून, सिंहस्थ भरत असलेल्या भागात भाजपचे तीन आमदार आहेत. मात्र, सरकारकडून शिर्डी, छत्रपती संभाजीनगरच्या विकासाला अधिक प्राधान्य दिल्याची भावना आहे. त्यामुळे नाशिकचे लोकप्रतिनिधी करतात काय, असा सवाल उपस्थित होत आहे.