हा व्हिडिओ आहे मावळचे पर्यटक श्रीजीत रमेश यांच्या लेकीचा… श्रीजीत रमेश यांचं कुटुंब अलीकडेच जम्मू-काश्मीर फिरायला गेले होते. ते 18 एप्रिलला पहलगामच्या बेताब व्हॅली इथे गेले होते. तिथे ते आपल्या मुलीचा रीलसाठी व्हिडीओ बनवत होते. याचवेळी त्यांच्या पाठीमागून दोन इसम हे जाताना दिसले. यापैकी एक इसमने झब्बा घातलेला आहे. तर दुसरा इसम हा टी-शर्ट आणि नाईट पँटवर दिसतोय. त्यांचा एकमेकांशी बोलतानाचा आणि हसतानाचा स्पष्ट फोटो श्रीजीत यांच्या मोबाईलमध्ये कैद झालाय. संबंधित संशियत दहशतवादी हे तेच असतील तर एनआयएकडे हा मोठा पुरावा असणार आहे. जम्मू-काश्मीरच्या पहलगाम येथील हल्ला प्रकरणात सुरक्षा यंत्रणांकडून तपास सुरु आहे. सुरक्षा दलांकडून हल्ला करणाऱ्या दहशतवाद्यांचा युद्ध पातळीवर शोध सुरु आहे. अशातच पहलगाम येथे पर्यटकांवर हल्ला करणाऱ्यांपैकी दोन संशयित दहशतावादी हे पर्यटकाच्या कॅमेऱ्यात कैद झाल्याचं यात दिसतंय. या संशयित दहशतवाद्यांचा परिसराची रेकी करतानाचा संबंधित फोटो असल्याचा अंदाज आहे. संबंधित फोटो हे गोळीबाराच्या आधीचे आहेत. महाराष्ट्रातील मावळचे पर्यटक श्रीजीत रमेश यांच्या मोबाईलमध्ये संशयित दहशतवादी कैद झाले आहेत. त्यांनी NIA ला याबाबत माहिती दिली आहे. ते पहलगाम येथे त्यांच्या मुलीचा व्हिडीओ काढत असताना मागून जाणारे संशयित दहशतवादी हे कॅमेऱ्यात कैद झाले आहेत. श्रीजीत रमेश यांनी प्रतिक्रिया दिलीये ते नेमंक काय म्हणालेत ऐकुयात..