UPSC Crack Aakash Gore : जालन्यातील होतकरु तरुण आकाश गोरे याने आयपीएस पदाला गवसणी घातली आहे. केंद्रीय लोकसेवा आयोगाचा निकाल नुकताच जाहीर झाला. या परीक्षेत आकाश गोरेला ५००वा रँक मिळाला आहे.
आकाशचे वडील गेवराई येथील सहकार क्षेत्रात काम करतात. आकाशचे बालपणीचे शिक्षण हे पहिली ते दहावीपर्यंत गेवराई येथे झाले. वडील नोकरीला होते. त्यामुळे आपले मुळ गाव भाटेपुरी सोडून त्यांचे लहानपण बीड जिल्ह्यात गेले. लहानपणापासून आकाश हा शिक्षणात हुशार होता. दहावीमध्ये त्यांनी ९७% मार्क घेऊन चांगल्या गुणांनी उत्तीर्ण झाला होता. त्याच प्रमाणे बारावीमध्ये देखील ९१% मार्क घेतले होते. मुळातच आकाश हा शांत संयमी स्वभावाचा होता. बारावीमध्ये चांगले मार्क घेऊन आई वडिलांची इच्छा होती. जसा मोठा मुलगा डॉक्टर झाला तसेच याने देखील डॉक्टर झाले पाहिजे. आकाश यांचे मोठे बंधू डॉक्टर आहेत. त्यामुळे आई वडिलांचे स्वप्न साकार करण्यासाठी जीवाचे रान करायचे ठरवले होते. 
UPSC Crack Birdev Dhone : मेंढरं चारणाऱ्या बिरुला आयपीएस झाल्याचा फोन आणि यमगेचा धनगरवाडा उजाळला, मेंढपाळाच्या मुलाचं लख्ख यश
जसा मोठा भाऊ डॉक्टर झाला तसेच आपण पण झालो पाहिजे. या जिद्दीने ते अभ्यास करतो होता आणि नीट परीक्षा देखील चांगल्या मार्कने पास झाले आणि मुंबई येथील के.एम.सरकारी मेडिकलमध्ये नंबर लागला आणि पुढील शिक्षण पूर्ण केले. मात्र त्याच्या मनामध्ये वेगळेच चालू होते. आपण डॉक्टर झालो तरी देखील मनाच्या इच्छा वेगळ्या होत्या. केवळ आपला भाऊ डॉक्टर झाला म्हणून आपण डॉक्टर झालो. पण आकाश यांच्या मनामध्ये आपण IPS किंवा IS होण्याचे स्वप्न मनामध्ये होते. त्यानुसार त्यांनी पुन्हा अभ्यास सुरू केला.
आपले स्वप्न कुठेतरी मनामध्ये दडपून ठेवले होते की, आपल्या आई वडील यांचा इच्छा पूर्ण करण्यासाठी पण आपले पण काही स्वप्न आहेत. आपल्या इच्छा आहेत आणि IPS होण्याचे स्वप्न उराशी बाळगून त्याने रात्रंदिवस अभ्यास सुरू केला. दिल्ली येथे जिद्द आणि चिकाटीने अभ्यास करून यूपीएससीची परीक्षा दिली. यात त्याने ५००वा रँक पटकावला आहे आणि शेवटी तो दिवस उगवला. UPSCचा निकाल लागला आणि आपले स्वप्न पूर्ण झाल्याच्या आनंदाने मोठा गावात आणि नातेवाईकमध्ये मोठा आनंद झाला आहे. आपण जे स्वप्न उराशी बाळगून होतो, ते आज पूर्ण झाले. त्यानं भेटण्यासाठी जिल्ह्यातील अनेक नेते मंडळी आत त्यांना भेट देण्यासाठी येत आहेत. या त्याच्या यशाबद्दल त्याचे सर्वच स्तरातून कौतुक होत आहे.
ओबीसी नेते नवनाथ आबा वाघमारे यांनी भाटेपुरी गावात जाऊन आकाश गोरे यांच्या आई वडील भाऊ यांच्या सह कुटूंबीयाची भेट घेतली. वाघमारे यांनी आकाश गोरे सह त्यांच्या आई वडिलाचा सत्कार केला आहे. यावेळी ग्रामस्थांची उपस्थिती मोठ्या प्रमाणात होती.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा