Santosh Deshmukh Murder Case Mastermind : संतोष देशमुख हत्या प्रकरणातील मुख्य सूत्रधार वाल्मिक कराडची प्रकृती सध्या बिघडली आहे. वाल्मिक कराडची सिटीस्कॅन तपासणी करण्याचा सल्ला देण्यात आला. यावर आता पुढील उपचाराची दिशा ठरणार आहे.
वृत्तानुसार, आरोपी वाल्मिक कराडची आज अचानक प्रकृती बिघडली. दुपारच्या सुमारास त्याला अचानक पॅनिट अटॅक आला. जेल प्रशासनाने तातडीने डॉक्टरांना बोलावून घेतले. तपासणीदरम्यान डॉक्टरांनी त्याच्या रक्त चाचण्या करण्याचा सल्ला दिला. वाल्मिक कराडच्या रक्त चाचणीचा अहवाल आणि सिटीस्कॅनचा अहवाल आल्यानंतर त्याच्यावर पुढील उपचार केला जाणार असल्याची माहिती आहे.
संतोष देशमुख हत्या प्रकरणात मुख्य सुत्रधार म्हणून कोर्टाकडून वाल्मिक कराडची तुरुंगात रवानगी करण्यात आली आहे. संतोष देशमुखांच्या हत्येचा कट वाल्मिक कराडनेच रचला होता. याचे सबळ पुरावे तपास यंत्रणांकडून कोर्टात सादर कऱण्यात आले आहेत. एसआयटी, सीआयडी आणि न्यायालयीन समितीकडून या प्रकरणाची त्रिकोणी चौकशी सुरु आहे. त्यानुसार कराड आणि त्याच्या टोळीतील अन्य सहा आरोपींवर दोषारोपपत्र दाखल करण्यात आले. त्यानंतर कोर्टाने त्यांची कोठडीत रवानगी केली आहे. तर या प्रकरणातील आणखी एक आरोपी कृष्णा आंधळे सध्या फरार आहे. त्याचा तपास अद्याप पोलिसांकडून सुरु आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा