अकोलेतील ठाकर समाजाचे नेते मारुती मेंगाळ यांनी मोठा निर्णय घेतलाय. मेंगाळ यांच्यासह शेकडो कार्यकर्ते शिवसेना शिंदे गटात प्रवेश करणार आहेत. उपमुख्यमंत्री एकनाथ शिंदेंच्या उपस्थितीत ठाण्यात कार्यक्रम पार पडणार आहे. यापूर्वी मारुती मेंगाळ हे अकोले पंचायत समितीचे उपसभापती राहिले आहेत. काही वर्षांपूर्वी शिवसेनेला सोडत ते अजित पवारांच्या विचारांसोबत राहिले. अकोले मतदारसंघातून त्यांनी २०२४ ची विधानसभा निवडणूक अपक्ष लढवली होती. यानंतर आज ते शिंदे गटात प्रवेश करत असल्याने जोरदार चर्चा रंगली आहे.