त्र्यंबकेश्वरच्या प्रवेशद्वारी स्वामी समर्थ गुरुपीठ कमानीजवळ सोमवारी (दि. २१) सकाळच्या वेळेस एका साधूचा मृतदेह आढळून आला. याबाबत माहिती मिळाल्यानंतर त्र्यंबक पोलिसांनी त्याचा पंचनामा केला असता मृताजवळ आढळलेल्या आधार कार्डच्या मदतीने ती व्यक्ती प्रभाकर सदाशिव घोटे (वय ५२, रा. पिंपळगाव डुकरा ता. इगतपुरी) असल्याचे निष्पन्न झाले. याप्रकरणी दोन संशयितांना ताब्यात घेऊन पोलिसांनी खुनाचा गुन्हा दाखल केला आहे. मृत प्रभाकर घोटे हे येथील स्वामी समर्थ गुरुपीठाच्या कमानीच्या परिसरात काही वर्षांपासून राहत होते. या ठिकाणी नशेबाजांचा सुळसुळाट झाला आहे. त्र्यंबकेश्वर मंदिर परिसर, बसस्थानक, वाहनतळासह शहराच्या वेगवेगळ्या भागात नशा करणारे रात्रीच्या वेळेस धुडगूस घालतात. मद्यपींच्या हाणामारीने यापूर्वीदेखील गंभीर घटना घडलेल्या आहेत.
मुंबई २६/११ हल्ल्यात काँग्रेस, राष्ट्रवादीचा हात; भाजपचे माधव भांडारींचा खळबळजनक दावा
दारू दुकाने बंद करण्याची मागणी
त्र्यंबकेश्वरच्या साधू, महंतांना येथे एका भगव्या वस्त्रधारी साधूचा मृतदेह आढळून आल्याची माहिती मिळाली. यानंतर आनंद आखाड्याचे अध्यक्ष महंत शंकरानंद सरस्वती महाराज, निरंजनी आखाड्याचे ठाणापती महंत धनंजयगिरी महाराज, अग्नि आखाड्याचे दुर्गानंद ब्रह्मचारी यांच्यासह काही साधूंनी त्र्यंबक पोलिस ठाण्यात जाऊन याबाबत माहिती घेतली. तसेच घटनास्थळावर जाऊन तेथील परिसरातील दारू दुकाने बंद करण्याची मागणी केली.
Sanjay Nirupam: दोन शून्य एकत्र केले तरी बेरीज शून्यच; संजय निरुपम यांची ठाकरे बंधूंच्या मनोमिलन चर्चेवर सडकून टीका
त्र्यंबकेश्वर शहर आणि परिसरात दारूविक्री बंद करावी. नशा करणारे लोक साधूंना व यात्रेकरूंना त्रास देतात, त्यांची लुबाडणूक करतात. याकडे पोलिसांनी गांभीर्याने लक्ष देऊन प्रतिबंधात्मक कारवाई करावी. – महंत शंकरानंद सरस्वती महाराज, आनंद आखाडा

त्र्यंबकेश्वर येथे साधूची हत्या होणे ही घटना दुर्दैवी आहे. याचा निषेध करतो तसेच या घटनेची सखोल चौकशी करून पोलिसांनी दोषींना कठोर शिक्षा करावी. – सुरेश गंगापुत्र, अध्यक्ष, सिंहस्थ नागरी समिती त्र्यंबकेश्वर