रुग्णसेवेचं व्रत अधुरं, टँकरखाली चिरडून पुण्यात डॉक्टरचा मृत्यू, उपचाराआधीच प्राण सोडले

Pune Tanker Crushes Doctor to Death : डॉ. ईश्वर साहू हडपसरच्या दिशेने येत होते. सातवडी पीएमपी बस थांब्यावर एक बस थांबली होती. त्याच्या पाठीमागे साहू होते. पाठीमागून आलेल्या भरधाव टँकरने त्यांच्या दुचाकीला धडक दिली.

महाराष्ट्र टाइम्स

पुणे : भरधाव टँकरच्या धडकेत दुचाकीस्वार डॉक्टरचा मृत्यू झाल्याची घटना पुणे येथील हडपसर-सासवड रस्त्यावर सातववाडी बस थांब्यासमोर घडली. दुचाकीस्वाराने हेल्मेट घातले होते, तरीसुद्धा अतिरक्तस्त्राव होऊन त्याचा जागीच मत्यू झाला. सोमवारी सकाळी साडेसात वाजता हा अपघात झाल्याचे समोर आले आहे. या प्रकरणी हडपसर पोलिस ठाण्यात टँकर चालकाच्या विरोधात गुन्हा दाखल करण्यात आला आहे.

डॉ. ईश्वर साहू (वय 26 वर्ष, रा. भेकराईनगर, फुरसुंगी, मूळ रा. छत्तीसगड) असे मृत्युमुखी पडलेल्या डॉक्टर तरुणाचे नाव आहे. या प्रकरणी टँकर चालक राजेंद्र एकनाथ तळेकर (वय 51, रा. वीर, ता. खंडाळा, जि. सातारा) याला अटक करण्यात आली आहे. आप्पासो भीमराव सबळकर (वय 40, रा. वेताळबाबा, गाडीतळ, हडपसर) यांनी तक्रार दिली आहे.

कसा झाला अपघात?

हडपसर पोलिसांनी दिलेल्या माहितीनुसार, सोमवारी सकाळी डॉ. ईश्वर साहू हडपसरच्या दिशेने येत होते. सातवडी पीएमपी बस थांब्यावर एक बस थांबली होती. त्याच्या पाठीमागे साहू होते. पाठीमागून आलेल्या भरधाव टँकरने त्यांच्या दुचाकीला धडक दिली.
Shirish Valsangkar : गृहकलहातील गोपनीय गोष्टी मनीषाला माहिती, मोबाईलमध्ये क्लिपही… डॉ. शिरीष वळसंगकर प्रकरणात ट्विस्ट

टँकरखाली डोकं चिरडलं, उपचाराआधीच गतप्राण

टँकरचे चाक डोक्यावरून गेल्याने डॉ. साहूंचा मोठ्या प्रमाणावर रक्तस्राव झाला. नागरिकांनी धाव घेऊन रुग्णवाहिका व पोलिसांना बोलावून घेतलं आणि त्यांना तत्काळ रुग्णालयात दाखल केले. मात्र, उपचारांपूर्वीच त्यांचा मृत्यू झाला. या प्रकरणी हडपसर पोलिसांनी टँकर चालक राजेंद्र तळेकर याला अटक करण्यात आली आहे.

Pune Accident : रुग्णसेवेचं व्रत अधुरं, टँकरखाली चिरडून पुण्यात 26 वर्षीय डॉक्टरचा मृत्यू, उपचाराआधीच प्राण सोडले

Manali Ghanwat : मुंडेंचे निकटवर्तीय राजेंद्र घनवट यांच्या पत्नीचे अकस्मात निधन, मृत्यूभोवती संशयाचं धुकं