‘क्लस्टर योजना हटवा, म्हाडा वाचवा’ अशा घोषणा देत येथील नवीन म्हाडा वसाहतीतील शेकडो रहिवासी रस्त्यावर उतरले. सरकारने म्हाडा वसाहतीला क्लस्टरमधून वगळले नाही तर, आम्ही कायदेशीर लढा देऊ, असा इशारा या रहिवाशांनी देत क्लस्टर पुनर्विकासाला कडाडून विरोध केला.
Thane News : ठाण्यातील भररस्त्यावर पोहोचलं हरीण, ट्रान्सफॉर्मर केबिनमध्ये अडकलं; पाण्यासाठी वन्यजीवाची परवड?
ठाण्यात वर्तकनगर, सावरकरनगर, यशोधननगर, पवारनगर, भीमनगर परिसरात म्हाडाचे भूखंड आहेत. या भूखंडांवर म्हाडाने बैठ्या सोसायटी आणि इमारतींच्या माध्यमातून २५ ते ३० वर्षांपूर्वी वसाहती उभ्या केल्या आहेत. या परिसराचा ठाणे महापालिकेने ४९ नागरी पुनरुत्थान आराखड्यांमध्ये सामावेश केला आहे. या जमिनी म्हाडाच्या मालकीच्या असल्याने महापालिकेला याठिकाणी क्लस्टर योजना राबविणे शक्य होणार नाही. त्यामुळे महापालिकेने येथील ४९.३५ एकर इतकी जागा भाडेतत्त्वावर देण्याकरिता म्हाडाकडे ना हरकत प्रमाणपत्र मागितले आहे. मात्र क्लस्टर योजनेलाच आता म्हाडा वसाहतीतील रहिवाशांनी विरोध करण्यास सुरुवात केली आहे.
Thane News : डिपॉझिट सक्तीचा आरोप, धर्मादाय रुग्णालयांनी गरीब रुग्णांवरील खर्च जाहीर करावा, भाजप नेत्याची मागणी
वर्तकनगर येथील नवी म्हाडा वसाहत परिसरात साईनाथ को-ऑपरेटीव्ह हौसिंग सोसायटी ही ३० वर्ष जुनी वसाहत आहे. सुमारे अडीच ते तीन हजार नागरिक येथे राहतात. रविवारी या वसाहतीतील शेकडो रहिवाशांनी क्लस्टर योजनेविरोधात रस्त्यावर उतरत आंदोलन केले. तसेच क्लस्टर योजनेविरोधात घोषणा दिल्या. क्लस्टरसाठी २०१८ मध्येच हरकती नोंदविल्या होत्या. आम्ही म्हाडा गृहनिर्माण योजनेचे लाभार्थी भूखंडधारक आहोत. आम्ही स्वत: पूनर्विकास करण्यासाठी पात्र ठरतो. तसा प्रस्ताव देखील म्हाडाकडे सादर केला आहे असे असतानाही देखील आम्हाला क्लस्टरमध्ये सामाविष्ट केले जात आहे. क्लस्टर योजना म्हाडासाठी लागू होत नाही, अशी संतप्त प्रतिक्रिया या रहिवाशांनी दिली.
Thane News : मेंदूतील रक्तस्त्रावामुळे ४४ वर्षीय मुलाचा मृत्यू, वडिलांचा धाडसी निर्णय, अन् मृत्यू पश्चातही मुलाचं अस्तित्त्व कायम

योजना अधांतरी

ठाणे महापालिककेने २०१८ मध्ये क्लस्टर संदर्भात हरकती मागविल्या होत्या. त्यावेळी २८८ हरकती नोंदविल्या होत्या. क्लस्टर योजना ही झोपडपट्ट्यांसाठी आहे. मात्र आम्ही म्हाडा वसाहतीतील राहतो. आम्हाला क्लस्टर योजना लागू होत नाही. क्लस्टर योजना राबविल्यास ती कधी पूर्ण होईल हा देखील प्रश्न कायम आहे.
– शिवाजी उतेकर, अध्यक्ष, साईनाथ को-ऑपरेटीव्ह हौसिंग सोसायटी लि.

राजकीय आरोपांच्या फैरी

क्लस्टर विकासामागची भावना कोणासाठी असून म्हाडाची जमीन ठाणे महानगरपालिकेच्या ताब्यात देणे म्हणजे नेमके काय सुरु आहे, असा प्रश्न या मुद्द्यावरून राष्ट्रवादी काँग्रेस (शप) आमदार जितेंद्र आव्हाड यांनी उपस्थित केला. तर सिद्धेश्वर तलाव परिसरात क्लस्टरच्या योजनेच्या अनुषंगाने अधिकाऱ्यांच्या आधी विकासक आणि त्यांचे सहकारी घुसू लागल्याने रहिवाशांमध्ये संशय आणि गोंधळाचे वातावरण निर्माण झाले आहे. याबाबत दोनच दिवसांपूर्वी ठाण्यातील १९ इमारतींच्या रहिवासी प्रतिनिधींनी भाजप आमदार संजय केळकर यांच्यासह क्लस्टर विकास प्रकल्प व पालिका अधिकाऱ्यांची भेट घेत गाऱ्हाणी मांडली.