FDA Cancels 48 Blood Bank Licence: त्रुटी आढळल्याने अन्न व औषध प्रशासनाने वर्षभरात पुणे विभागातील ४८ रक्तपेढ्यांचे परवाने निलंबित, तर तीन रक्तपेढ्यांचे परवाने रद्द केले आहेत.
रक्तपेढ्यांबरोबरच औषध विक्री प्रक्रियेत त्रुटी आढळल्याने वर्षभरात ३४ औषध उत्पादक कंपन्यांचा परवाना निलंबित करण्यात आला आहे. वर्षभरात ५०९ घाऊक विक्रेत्यांची तपासणी करण्यात आली असून, त्यात २२ विक्रेत्यांचे परवाने रद्द करण्यात आले आहेत. ५६ जणांचे परवाने निलंबित करण्यात आले; तसेच दोन हजार ३० किरकोळ औषध विक्रेत्यांची तपासणी करण्यात आली. त्यात ६७ विक्रेत्यांचे परवाने निलंबित, तर ४३२ जणांचे परवाने निलंबित करण्यात आले.
पुण्यात महात्मा फुले योजनेची ‘अॅलर्जी’? बड्या खासगी रुग्णालयांत योजना नसल्याने रुग्णांना भुर्दंड
‘एफडीए’ने पुणे विभागात एप्रिल २०२४ ते मार्च २०२५ या कालावधीत ही कारवाई केली आहे. ‘एफडीए’ तर्फे नियमीतपणे औषध विक्रेते, कंपन्या आणि रक्तपेढ्यांची तपासणी करण्यात येते. कारवाईमध्ये आढळून आलेल्या त्रुटीनुसार परवाना रद्द करायचा की निलंबित करायचा याचा निर्णय घेतला जातो. परवाना रद्द झाल्यास या निर्णयाला आव्हान द्यावे लागते, असे ‘एफडीए’च्या अधिकाऱ्यांनी सांगितले.
रक्तपेढ्यांमध्ये आढळलेल्या त्रुटी
- रक्त घेण्यासाठी पात्र व्यक्ती नसणे
- रक्त तपासणीची सुविधा नसणे
- परराज्यात परवानगीविना रक्त पाठविणे
- रक्तदान शिबिरावेळी दात्यांना भेटवस्तू देणे
- रक्तदात्यांच्या नोंदी नसणे
एक्स्प्रेस वेवर अपघात घटले; मुंबई-पुणे मार्गावर पहिल्या तिमाहीत ७० टक्क्यांनी प्रमाण कमी, काय सांगतो अहवाल?
कंपन्यांमध्ये आढळलेल्या त्रुटी
- कंपन्यांमध्ये पात्र कर्मचारी नसणे
- औषधांची निर्मिती प्रक्रिया नियमानुसार न होणे
- औषध निर्मितीमध्ये अद्ययावत साधने नसणे
- ठरवून दिलेल्या निकषांचे पालन न करणे
घाऊक आणि किरकोळ विक्रेत्यांच्या तपासणीत आढळलेल्या त्रुटी
- बिल न देता औषध विक्री
- विक्रीसाठी पात्र व्यक्ती न नेमणे
- डॉक्टरांच्या चिठ्ठीशिवाय औषधे देणे
- नोंदी नसणे
- परवानाधारक उपस्थित नसणे
Child Adoption: दत्तक प्रतीक्षा मोठीच; सव्वाचार वर्षांत देशात दरमहा सरासरी २७२ मुलांनाच हक्काचे कुटुंब
पुणे विभागामध्ये वर्षभरात ही कारवाई करण्यात आली आहे. अॅलोपॅथी आणि आयुर्वेदिक औषध उत्पादक, विक्रेते आणि रक्तपेढ्यांची तपासणी करण्यात येत असते. ‘एफडीए’कडे आलेल्या तक्रारी आणि गोपनीय माहितीच्या आधारे कारवाई करण्यात येते. तपासणीमध्ये आढळून आलेल्या त्रुटी किती गंभीर आहेत, यानुसार परवाना रद्द किंवा निलंबन या प्रकारची कारवाई करण्यात येते.- गिरीश हुकरे, सहआयुक्त, अन्न व औषध प्रशासन विभाग
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा