आता मुख्यमंत्री देवेंद्र फडणवीस यांनी बाबासाहेब आगे यांच्या कुटुंबियांचे फोनवरून सांत्वन केले. आयुष्यमान भारत योजनेचे अध्यक्ष ओमप्रकाश शेटे यांनी आगे कुटुंबियांची भेट घेतली. यावेळी शेटे यांनी मुख्यमंत्री देवेंद्र फडणवीस यांचे आगे कुटुंबांची बोलणे करून दिले. यावेळी फोनवरून बोलताना फडणवीस यांनी बाबासाहेब आगे यांचे वडील प्रभाकर आगे यांचे सांत्वन करत आम्ही सगळे तुमच्यासोबत आहोत काळजी करू नका म्हटले.
Devendra Fadnavis : पुढच्या पिढीला दुष्काळ पाहू देणार नाही; मराठवाडा-बीड पाणीदार करणार, मुख्यमंत्र्यांनी सांगितली उपाययोजनाकुटुंबाची सगळी काळजी आपण करू, यासाठी पक्ष पूर्ण लक्ष घालेल. तुम्ही सगळ्यांना सांभाळून घ्या असे बोलत बाबासाहेब आगे यांच्या वडिलांना धीर देखील दिला. पंकजा मुंडे यांनीही अगोदरच स्पष्ट केली की, आगे कुटुंबियांची संपूर्ण जबाबदारी ही माझी आहे. बाबासाहेब आगे हे पंकजा मुंडे यांचे कार्यकर्ते होते. बाबासाहेब आगे यांच्या हत्येनंतर पंकजा मुंडे यांनी सोशल मीडियावर पोस्ट शेअर करत दु:ख व्यक्त केले होते.

बाबासाहेब आगेची हत्या करणारा आरोपी नारायण फफाळ याला पोलिसांनी अटक केली असून तो कोठडीत आहे. त्याची चाैकशी केली जातंय. मात्र, यादरम्यानच नारायण फफाळच्या पत्नीने अत्यंत मोठा खुलासा केलाय. बाबासाहेब आगे याचा संशयातून खून झाल्याचा धक्कादायक खुलासा त्यांनी केलाय. माझा नवरा खूप जास्त संशयी होता. तो बाबासाहेबवरही संशय घ्यायचा. गावातील अनेकांसोबत तो माझे नाव जोडायचा. तो मला दारू पिऊन मारहाण करत.