मुंबई ही एकेकाळी बंदरांची राजधानी होती. मुंबईच्या किनाऱ्यांवर समुद्री व्यापारासाठी लहान-मोठी अशी दहाहून अधिक बंदरे व धक्के होते. त्यामुळेच १६९० पासून येथे समुद्री व्यापार सुरू झाला आणि १८७३ मध्ये बॉम्बे पोट्र ट्रस्टची (आता मुंबई बंदर प्राधिकरण) स्थापना झाली. मुंबईच्या पूर्व किनाऱ्यावर १५२ वर्षांपासून समुद्री व्यापार होत आहे. याअंतर्गतच मुंबईला समुद्री पर्यटन आणि क्रूझचे केंद्र करण्याचे धोरण केंद्रीय जहाज बांधणी आणि बंदरे मंत्रालयाने आखले आहे. त्यानुसार, हे देशातील सर्वाधिक अत्याधुनिक असे क्रूझ टर्मिनल उभे झाले आहे. या टर्मिनलवर एकावेळी दोन मोठी क्रूझ जहाजे उभी राहू शकतात.
Metro 2 B Line : ‘मेट्रो २ ब’ची धाव खाडीपर्यंत! मानखुर्दमधून थेट अंधेरीला जाता येणार, कुठे-कोणती असणार स्टेशन?

देशातील पहिले खासगी क्रूझ टर्मिनल –

भारतात काही बंदरांवर क्रूझ टर्मिनल आहेत. मात्र, मुंबई आंतरराष्ट्रीय क्रूझ टर्मिनल खासगी विकासकाच्या सहकार्याने विकसित करण्यात आले आहे. या विकासकाच्या ‘बॅलार्ड पीयर प्रायव्हेट लिमिटेड’ कंपनीने उभे केलेले हे देशातील पहिले खासगी व मोठे क्रूझ टर्मिनल आहे. ३० वर्षांच्या करारावर हे टर्मिनल या कंपनीकडे असेल. तसा सवलत करार मुंबई बंदर प्राधिकरणाने केला आहे.
Ro-Ro Service Virar to Palghar : दीड तासांचा प्रवास केवळ १५ मिनिटांत, विरार-पालघर ‘रो रो’ सेवा सुरू; किती प्रवासी प्रवास करू शकणार?
सध्या मुंबईत बंदरातील बहुतेक व्यापार हा रायगड जिल्ह्यातील न्हावा-शेवा येथील जवाहरलाल नेहरू पोर्ट ट्रस्टमधून चालतो. आता सरकार पालघर जिल्ह्यातील वाढवण येथे नेहरू पोर्ट ट्रस्टपेक्षा कित्येक पटींनी मोठे बंदर उभारणार आहे. त्यामुळे मुंबईची मालवाहतूक हाताळण्याची क्षमता वाढणार आहे. त्यातच खासगी टर्मिनलची जोड मिळाल्याने प्रवासी आणि मालवाहतूक या दोन्ही क्षमतांमध्ये वाढ होणार आहे. आता प्रवासी वाहतूक वाढू शकेल.

– ५५५ कोटींची गुंतवणूक; एकावेळी दोन मोठी क्रूझ जहाजे उभी राहू शकणार
– ७२ इमिग्रेशन काउंटर्स, दोन तासांत होणार १० हजार प्रवाशांची तपासणी पूर्ण
– युरोप ते थायलंड मार्गावरील आलिशान क्रूझ या टर्मिनलवर थांबा घेतील

टर्मिनलची वैशिष्ट्ये –

– ७ लाख प्रवासी वार्षिक क्षमता
– वर्षाला २०० क्रूझ हाताळणी क्षमता
– तळ मजला अधिक तीन माळे
– ४.१५ लाख चौरस फूट क्षेत्रफळ
– १.७० चौरस फुटाची मुख्य इमारत