माजी शिक्षणमंत्री दीपक केसरकर यांनी घेतलेला ‘एक राज्य, एक गणवेश’ One State, One Uniform हा निर्णय बासनात गुंडाळणाऱ्या दादा भुसे यांनी शुक्रवारी मालेगावमध्ये एका कार्यक्रमात शिक्षकांच्या गणवेशाबाबत भाष्य केले. या कार्यक्रमासाठी आलेल्या संबंधित जिल्हा परिषद शाळेच्या शिक्षिकांनी एकसारखीच साडी नेसली होती. त्यांची ती वस्त्रांमधील एकवाक्यता आपल्याला प्रचंड भावली असून, राज्यभरातील शिक्षक बांधवांनी त्यातून प्रेरणा घ्यायची गरज असल्याचे आपल्याला जाणवले, असे दादा भुसे यांनी सांगितले.

‘शिक्षकांनी कोणते कपडे घालावेत, याबाबतची वस्त्रसंहिता याआधीच लागू केली आहे. त्यामुळे आताचा मुद्दा शिक्षकांच्या गणवेशाचा आहे. शिक्षकांसाठी राज्य स्तरावर एकच एक गणवेश निश्चित केला जाणार नाही. त्याऐवजी प्रत्येक शाळेतील शिक्षकांनी एकत्र येऊन त्यांना कोणता एकसमान गणवेश योग्य वाटतो, याचा निर्णय घेण्याचे स्वातंत्र्य शाळेला असेल. पण, त्या शाळेतील शिक्षकांनी विद्यार्थ्यांसमोर येताना एकसमान असल्याचे जाणवले पाहिजे. ज्याप्रमाणे डॉक्टर, वकील यांना समाजात त्यांच्या गणवेशावरून लोक ओळखतात आणि मान देतात, तसाच मान शिक्षकांना त्यांच्या शाळेच्या गावात गणवेशामुळे मिळावा, अशी अपेक्षाही दादा भुसे यांनी व्यक्त केली.

शिक्षकांसाठी वस्त्रसंहिता असताना आता गणवेशाची काय गरज आहे, असे मत आता शिक्षकांकडून व्यक्त होत आहे. ‘शिक्षकांनी काय कपडे घालावे, याबाबतची नियमावली असणे आवश्यक आहे. पण, प्रत्येक शिक्षिका साडीतच सहजरीत्या वावरू शकतील असे नाही. तसेच पुरुषांपैकी काही जणांना अर्ध्या बाह्यांचे तर काहींना पूर्ण बाह्यांचे शर्ट शोभू शकतात. ते स्वातंत्र्य शिक्षकांना द्यायला हवे’, असे मत शिक्षक सेनेचे ठाणे जिल्ह्याचे अध्यक्ष प्रमोद पाटोळे यांनी व्यक्त केले.

शिक्षकांसाठी वस्त्रसंहिता असताना आता गणवेशाची काय गरज आहे, असे मत आता शिक्षकांकडून व्यक्त होत आहे. ‘शिक्षकांनी काय कपडे घालावे, याबाबतची नियमावली असणे आवश्यक आहे. पण, प्रत्येक शिक्षिका साडीतच सहजरीत्या वावरू शकतील असे नाही. तसेच पुरुषांपैकी काही जणांना अर्ध्या बाह्यांचे तर काहींना पूर्ण बाह्यांचे शर्ट शोभू शकतात. ते स्वातंत्र्य शिक्षकांना द्यायला हवे’, असे मत शिक्षक सेनेचे ठाणे जिल्ह्याचे अध्यक्ष प्रमोद पाटोळे यांनी व्यक्त केले.