साई दर्शनानंतर मंदिर परिसरात शिल्पाने पत्रकारांसोबत संवाद साधला. यावेळी ती म्हणाली, बाबांचं बोलावणं यंदा उशिरा आलं, मला आनंद आहे मी सर्व परिवारासह येथे आले. मी जेव्हा येथे येते तेव्हा असं वाटतं परत घरी आले. मी जे काही आहे बाबांचं हात डोक्यावर असल्याने आहे. बाबांची शिकवण आचरणात आणून मी इथे आहे. श्रध्दा आणि सबुरी ठेवा. बाबांवर विश्वास ठेवा ते जे करतील ते चांगल्यासाठीच करतील.

ड्रेस कलर बद्दल पत्रकारांनी विचारले असता शिल्पा म्हणाली राणी पिंक माझा आवडता रंग असल्याने मी जेव्हा येथे येते तयार होऊन येते. आम्ही खूप प्रवास करून थकून आलो. मात्र येथे आल्यावर थकवा दूर झाला. बाबांनी शक्ती दिली. पैशांच्या व्यतिरिक्त बाबांनी भरपूर काही दिलं. जीवनात सुख महत्त्वाचं असतं. जीवनात जितके चढ उतार बघितले माझा अंधविश्वास म्हणा किंवा दृढ विश्वास मला माहित आहे जे काही होत आहे ते चांगल्यासाठीच होत आहे, अशी प्रतिक्रिया शिल्पा शेट्टी हिने माध्यमांशी बोलताना दिली आहे.

नीता अंबानी यांनी देखील नुकतंच घेतलं साईंचं दर्शन

नुकतंच उद्योगपती मुकेश अंबानी यांच्या पत्नी नीता अंबानी यांनीदेखील शिर्डीला जावून साईबाबांचं दर्शन घेतलं होतं. यावेळी देखील चाहत्यांनी मोठी गर्दी केली होती. नीता अंबानी यांचा शिर्डी दौऱ्यादरम्यानचा एक व्हिडीओ समोर आला होता. नीता अंबानी यांना एका चाहत्याने मुंबई इंडियन्स संघाचा कर्णधार रोहित शर्माला करा, अशी विनंती केली होती. त्यावर नीता अंबानी यांनी साईबाबांची इच्छा असं प्रत्युत्तर त्या चाहत्याला दिलं होतं