Chhatrapati Sambhajinagar News : छत्रपती संभाजीनगरमधील न्यायनगर भागात घरी आलेल्या पाहुण्यानेच जीव घेतल्याची घटना उघडकीस आलीये. विलास पांडव या आरोपीला अटक करण्यात आली असून, न्यायालयाने त्याला २१ एप्रिलपर्यंत पोलिस कोठडी सुनावली आहे. या घटनेमुळे परिसरात खळबळ उडाली आहे.
घरातील इतर सदस्य बाहेर गेल्याचा घेतला फायदा
या प्रकरणात पुंडलिकनगर पोलिस ठाण्याचे सहायक पोलिस निरीक्षक शिवप्रसाद कऱ्हाळे यांनी दिलेल्या माहितीनुसार, गौतम सदावर्ते यांचा १६ वर्षीय मुलगा अभिजित याने दिलेल्या तक्रारीनुसार १४ एप्रिलला सायंकाळी साडेसहाच्या सुमारास गौतम यांच्या सासरकडील नातेवाईक विलास पांडव त्यांच्या घरी आला. थोडा वेळ गप्पा झाल्यानंतर, घरातील काही सदस्य आंबेडकर जयंती मिरवणुकीसाठी बाहेर गेले.
पोलिसांसोबत केली धक्काबुक्की, तरुणीची काढली छेड, छत्रपती संभाजीनगर येथील प्रकारदरवाजा उघडताच मोठी खळबळ
सायंकाळी साडेअकराच्या सुमारास सदावर्ते कुटुंबीय घरी आले. माञ, दरवाजा आतून बंद होता. दरवाजा वाजवल्यानंतर विलासने दरवाजा उघडला. घरात प्रवेश केल्यावर, अभिजितने त्याचे वडील फरशीवर पोटावर पडलेले आणि निश्चेष्ट स्थितीत पडल्याचे पाहिले. त्यांच्या गळ्यावर दोरीने आवळल्याच्या स्पष्ट खुणा होत्या. वडिलांना अशा अवस्थेत पाहून अभिजित याने लगेचच पोलिसात धाव घेतली. या घटनेने ंमोठी खळबळ निर्माण झाली.
पुंडलिकनगर पोलिस ठाण्यात खुनाचा गुन्हा दाखल
या प्रकरणी १५ एप्रिल रोजी अभिजित याच्या तक्रारीवरून पांडवविरोधात पुंडलिकनगर पोलिस ठाण्यात खुनाचा गुन्हा दाखल करण्यात आला. यानंतर पोलिसांनी अधिक तपास करत आरोपी विलास पांडव याला अटक करत न्यायालयात हजर केले. न्यायालयाने त्याला २१ एप्रिलपर्यंत पोलिस कोठडी सुनावली आहे. आपल्याच नातेवाईकांचा अशाप्रकारे पांडव याने खून का केला असावा, याबद्दल विविध चर्चा या रंगताना दिसत आहेत. विलास पांडव हा अगोदर घरी आला. मस्त गप्पा रंगल्या आणि त्यानंतर ही घटना घडली.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा