अजित पवार यांनी यांनी सांगितले की, टाटा टेक्नॉलॉजी कंपनी जिल्ह्यात तब्बल 191 कोटी रुपयांचा खर्च करून हे अत्याधुनिक प्रशिक्षण केंद्र उभारणार आहे. या प्रकल्पातून दरवर्षी सुमारे 7 हजार युवकांना जागतिक दर्जाचं औद्योगिक आणि तांत्रिक प्रशिक्षण मिळणार आहे. बीड जिल्ह्यातील बेरोजगार युवकांना रोजगार आणि स्वयंरोजगाराच्या संधी प्राप्त होतील. यामुळे जिल्ह्यात उद्योगपुरक वातावरण तयार होईल, अशी अपेक्षा अजित पवार यांनी व्यक्त केली. दरम्यान, ही घोषणा बीड जिल्ह्याच्या औद्योगिक विकासासाठी मैलाचा दगड ठरेल असे मत तज्ज्ञांनी व्यक्त केले आहे.

दरम्यान, गेल्या काही दिवसांपासून बीडमध्ये सातत्याने गुन्हेगारी घटनांच्या बातम्या समोर येत आहेत. बीडच्या मस्साजोग गावचे सरपंच संतोष देशमुख यांची निर्घृणपणे हत्या करण्यात आली. या हत्येच्या घटनेमुळे संपूर्ण राज्य हादरलं. या घटनेचे जे फोटो समोर आले यामुळे संपूर्ण महाराष्ट्र सुन्न झाला. याच बरोबर बीडमधील गुन्हेगारीच्या विविध धक्कादायक घटना समोर आल्या. बीडमधील संघटीत गुन्हेगारी समोर आली. बीड जिल्हा कारगृहातील गदारोळ समोर आला. खोक्या भाईचा कारनामा समोर आला. तसेच बीडमध्ये नुकतंच एका भाजप पदाधिकाऱ्याची भर दिवसा निर्घृण हत्येची घटना समोर आली आहे. या अनेक घटनांमुळे बीडमधील सर्वसामान्य नागरिकांमध्ये दहशत पसरत आहेत. त्यामुळे अजित पवारांनी घोषित केल्यासारखा प्रकल्प जिल्ह्यात आला तर आगामी काळात बीडमधील चित्र सुधारण्याची दाट शक्यता आहे.