सहार पोलिसांनी या प्रकरणाची चौकशी केली. विक्रम भालेराव यांनी कुटुंबाला माहिती मिळू नये म्हणून पासपोर्टची पाने फाडल्याचे समोर आले. पासपोर्ट ॲक्ट, 1967 नुसार पासपोर्टचे नुकसान करणे हा गुन्हा आहे. भालेराव यांच्यावर भारतीय न्याय संहिता (BNS) कलम 318 (4) अंतर्गत गुन्हा दाखल करण्यात आला आहे. लपवाछपवीसाठी वापरलेली ट्रिक भालेरावांच्या अंगलट आल्याचं दिसत आहे.
Mumbai Accident : अरे चेतन हळू चालव ना! प्रवाशांची गयावया, तरी चालकाने गाडी दामटवली; मुंबईत भीषण अपघातात दोघांचा मृत्यू

नेमकं काय घडलं?

इमिग्रेशन अधिकाऱ्यांना नेहमीप्रमाणे तपासणी करत असताना विक्रम भालेराव यांच्या पासपोर्टची पाने फाटलेली दिसली. त्यामुळे त्यांना थांबवण्यात आले. “अधिकाऱ्यांनी पाहिले की पासपोर्टची पाने क्रमांक 17/18 आणि 21-26 गायब आहेत,” असे एका पोलीस अधिकाऱ्याने सांगितले. सहाय्यक इमिग्रेशन अधिकारी राजीव कुमार यांनी पोलिसांना तक्रार दिली. त्यामध्ये त्यांनी सांगितले की, फाडलेल्या पानांवर थायलंडला भेट दिल्याचे शिक्के होते.
Pune Crime : मी १२०० फूट खोल खाणीत जातोय, मुलीला शेवटचा मेसेज; पुण्याचे व्यावसायिक लक्ष्मण शिंदेंच्या हत्येचं गूढ कसं उकललं?

खोदून चौकशी केल्यावर सांगितलं कारण

पोलिसांनी सांगितले की, भालेराव सुरुवातीला पाने फाडण्याचे कारण सांगायला तयार नव्हते. त्यामुळे राजीव कुमार यांनी त्यांना विंग इंचार्ज विलास वडनेरे आणि ड्यूटी ऑफिसर विजय कुमार यादव यांच्यासमोर उभे केले.” सखोल चौकशी केल्यावर त्यांनी बँकॉकला केलेल्या ट्रिप्स कुटुंबापासून लपवण्यासाठी पाने फाडल्याची कबुली दिली” असे पोलीस अधिकाऱ्याने सांगितले. या प्रकरणात पोलिसांनी भालेराव यांच्यावर गुन्हा दाखल केला आहे. आता न्यायालय या प्रकरणी काय निर्णय देते, हे पाहणे महत्त्वाचे ठरेल.