याबाबत मिळालेली माहिती अशी की, देहूरोड येथील असणाऱ्या पारशी चाळ येथील रहिवासी दीपक राजोरिया आणि योगेश राजोरिया हे दोन सख्खे भाऊ दुचाकीवरून प्रवास करत होते. दुचाकीचा वेग असल्याने दुचाकीवरील त्यांचा ताबा सुटल्याने ती घसरली आणि दोघेही रस्त्यावर पडले. या अपघातात दोघांच्या डोक्याला गंभीर दुखापत झाली. ज्यामुळे त्यांचा जागीच मृत्यू झाला. घटनास्थळी मोठी गर्दी झाली.
Pune Crime : मी १२०० फूट खोल खाणीत जातोय, मुलीला शेवटचा मेसेज; पुण्याचे व्यावसायिक लक्ष्मण शिंदेंच्या हत्येचं गूढ कसं उकललं?अपघाताची माहिती मिळताच पोलिसांनी घेतली घटनास्थळी धाव

या घटनेची माहिती मिळताच देहूरोड पोलीस तात्काळ घटनास्थळी दाखल झाले. त्यांनी त्वरित बचावकार्य हाती घेतले आणि दोघांचे मृतदेह पुढील तपासणीसाठी वायसीएम रुग्णालयात पाठवले. या प्रकरणी पोलिसांकडून अपघाताचा तपास करण्याचे काम सुरु असून प्राथमिक माहितीत गाडीवरील नियंत्रण सुटून हा अपघात झाल्याचे समोर आले आहे. अधिकचा तपास हा पोलिसांकडून केला जातोय. अजून काही माहिती पुढे येते का हे पाहण्यासारखे ठरणार आहे.

दीपक आणि योगेश यांच्या कुटुंबियांवर दु:खाचा डोंगर

हा अपघात परिसरात चर्चेचा विषय बनला असून स्थानिक नागरिकांमध्ये शोककळा पसरली आहे. दीपक आणि योगेश यांच्या कुटुंबियांवर दुखाचा डोंगर कोसळला आहे. पोलिसांनी या प्रकरणाचा सखोल तपास करण्याचे आश्वासन दिले आहे. या भागात अपघाताचे प्रमाण वाढले असून नागरिकांना जीव मुठीत धरून प्रवास करावा लागत आहे. वेगात वाहन चालवल्याने आपल्याला जीव गमवावा लागू शकतो. त्यामुळे नियंत्रण ठेवून वाहने चालवावी असे आवाहन पोलिसांकडून करण्यात आले आहे.